66-Soorah-At-Tehreem-Aayaat-12

Soorah-At-Tehreem

Aayaat-12

Shroo Allah Ke Naam Se Joh Bara Meherbaan Aur Nihayat Rehem Farmaane Wala Hai.

1

Ae Paigambar S.A.W. Joh Cheez Khuda Ne Tumhare Liye Jaaiz Ki Hai, Tum Us Se Kinara Kashi Kion Karte Ho? Kia Is Se Apni Biwiyoun Ki Khushnoodi Chahte Ho? Aur Khuda Bakhshne Wala Meherbaan Hai.

2

Khuda Ne Tum Lougon Ke Liye, Tumhari Qasmoun Ka Kuffara Muqarrar Kar Dia Hai. Aur Khuda Hi Tumhara Kaar Saaz Hai. Aur Wo Daana Aur Hikmat Wala Hai.

3

Aur Yaad Karo Jab Paigambar Ne Apni Aik Biwi Se Aik Bhaid Ki Baat Kahi, Toh Us Ne Doosri Ko Bata Di. Jab Unhoun Ne Isko Afshaan Kia Aur Khuda Ne Is Haal Se Paigamabar Ko Aagaah Kar Dia, Toh Paigambar Ne Un Bibi Ko Wo Baat Kuch Toh Jatayee Aur Kuch Na Batayee. Toh Jab Wo Un Ko Jatayee Toh Poochne Lagin Ke Aap Koo Ye Kis Ne Bataya? Unhoun Ne Kaha Ke Mujhe Us Ne Bataya Hai, Joh Jaan-Ne Wala Khabardaar Hai.

4

Agar Tum Dono Khuda Ke Aage Touba Karo Toh Behtar Hai, Kion Ke Tumhare Dil Kujj Ho Gaye Hain. Aur Agar Paigamabr Ki Eeza Par Baham Aianat Karo Gim Toh Khuda Aur Jibrail Aur Naik Kirdaar Musalmaan, Un Ke Haami Aur Dostdaar Hain. Aur Un Ke Ilawa Aur Farishte Bhi Madadgaar Hain.

5

Agar Paigamabar Tum Ko Tallaaq De Dain Toh Ajab Nahi Ke Un Ka Parwardigar Tumhare Badle Un Ko Tum Se Behtar Bibiyaan De De. Musalmaan, Sahib-E-Eemaan, Farmabardaar, Touba Karne Waaliyan Ibadat Guzar, Roza Rakhne Waaliyan Bin Shohar Aur Kanwaariyaan.

6

Momino! Apne Aap Ko Aur Apne Ehl-O-Ayaal Ko Aatish-E-Jahnnum Se Bachaao, Jis Ka Eendhan Aadmi Aur Pathar Hain Aur Jis Par Tund Khoo Aur Sakht Mizaaj Farishte Muqarrar Hain,  Joh Irshaad Khuda Un Ko Fermata Hai, Us Ki Nafarmani Nahi Karte Aur Joh Hukum Un Ko Milta Hai Usse Baja Laate Hain.

7

Kafiro! Aaj Bahaane Mat Banao. Joh Amal Tum Kia Karte Ho Un Hi Ka Tum Ko Badla Dia Jaye Ga.

8

Momino! Khuda Ke Aage Saaf  Dil Se Touba Karo. Ummeed Hai Ke Wo Tumhare Gunnah Tum Se Door Kar De Ga Aur Tum Ko Baagh Haaye Behshat Main, Jin Ke Neeche Nehrain Beh Rahi Hain, Dakhil Kare Ga. Us Din Khuda Paigambar Ko Aur Un Lougn Ko Joh Un Ke Sath Eemaan Laaye Hain,  Ruswa Nahi Kare Ga.  Balke Un Ka Noor-E-Eemaan Un Ke Aage Aur Daahni Taraf Roshni Karta Hua Chal Raha Hoga. Aur Wo Khuda Se Iltija Karian Ge Ke Ae Parwardigar Hamara Noor Hamare Liye Poora Kar Aur Hamain Moaaf Farma. Be Shak Khuda Har Cheez Par Qaadir Hai.

9

Ae Paigambar S.A.W. ! Kaafiroun Aur Munafiqoun Se Laro Aur Un Par Sakhti Karo. Un Ka Thikana Dozakh Hai. Aur Wo Bohot Buri Jaga Hai.

10

Khuda Ne Kaafiroun Ke Liye Nooh A.S. Ki Biwi Aur Loot A.S. Ki Biwi Ki Misaal Bayan Farmaayee Hai. Dono Hamare Do Naik Bandoun Ke Ghar Main Theen Aur Dono Ne Un Ki Khayanat Ki Toh Wo Khuda Ke Muqaable Main Un Aurtoun Ke Kuch Bhi Kaam Na Aye Aur Un Ko Hukum Dia Gaya Ke Aur Daakhil Hone Waloun Ke Sath Tum Bhi Dozakh Main Dakhil Ho Jao.

11

Aur Mominoun Ke Liye Aik Misaal Toh Firown Ki Biwi Ki Bayan Farmayee,  Ke Us Ne Khuda Se Iltija Ki Ke Ae Mere Parwardigar Mere Liye Behshat Main Apne Paas Aik Ghar Bana Aur Mujhe Firown Aur Us Ke Aamaal-E-Zashat Maal Se Nijaat Bakhsh Aur Zalim Lougon Ke Hath Se Mujh Ko Mukhlasi Ata Farma.

12

Aur Doosri Imran Ki Beti Maryam A.S. Ki,  Jinhoun Ne Apni Sharmgaah Ko Mehfooz Rakha, Toh Ham Ne Us Main Apni Rooh Phoonk Di Aur Wo Apne Parwrdigar Ke Kalam Aur Us Ki Kitaaboun Ko Barhaq Samajhti Theen Aur Farmabardaaroun Main Se Theen.