61-Soorah-as-Saff-Aayat-14

Soorah-As-Saff

Aayaat-14

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Joh Cheez Aasmaoun Main Hai Aur Joh Zameen Main Hai, Sab Khuda Ki Tanziya Karti Hai Aur Wo Ghalib Hikmat Wala Hai.

2

Momino! Tum Aisi Batian Kion Kaha Karte Ho, Joh Kia Nahi Karte.

3

Khuda Is Baat Se Sakht Baizaar Hai. Ke Aisi Bat Kaho Joh Karo Nahi.

4

Joh Loug Khuda Ki Raah Main Aise Tour Par, Pare Jama Kar Larte Hain, Ke Goya Seesa Pilaaye Hoi , Deewaar Hain Wo Be Shak Mehboob-E-Kurdgaar Hain.

5

Aur Wo Waqt Yaad Karne Ke Laaiq Hai Jab Moosa Ne Apni Qoum Se Kaha Ke Bhaiyo! Tum Mujhe Kion Eeza Dete Ho,  Halanke Tum Jaante Ho Ke Main Tumhare Pas, Khuda Ka Bhaija Hua Aaya Hoon. Toh Jab Un Lougon Ne Kujj Rawi Ki Khuda Ne Bhi Un  Ke Dil Tairhe Kar Diye. Aur Khuda Na Farmanoun Ko Hidayat Nahi Deta.

6

Aur Wo Waqt Bhi Yaad Karo Jab Maryam A.S. Ke Bete Eesa A.S. Ne Kaha,  Ke Ae Bani Israil Main Tumhare Pas Khuda Ka Bhaija Hua Aaya Hoon Aur Joh Kitaab Mujh Se Pehle Aa Chuki Hai, Yaani Touraat,  Us Ki Tasdeeq Karta Hoon Aur Aik Paigambar Joh Mere Baad Ayen Ge,  Jin Ka Naam Ahmad S.A.W. Hoga, Un Ki Bisharat Sunata Hoon. Phir Jab Wo Un Lougn Ke Paas Khuli Nishaniyaan Le Kar Aye Toh Kehne Lage Ke Ye Toh Sareeh Jadu Hai.

7

Aur Us Se Zalim Koun,  Ke Bulaya Toh Jaye Islam Ki Taraf Aur Wo Khuda Par Jhoot Bohtaan Bandhe. Aur Khuda Zalim Lougn Ko Hidayat Nahi Dia Karta.

8

Ye Chahte Hain Keh Dua Ke Chiraagh Ki Roshni Ko Moonh Se Phoonk Maar Kar Bujha Dain. Halanke Khuda Apni Roshni Ko Poora Kar Ke Rahe Ga Khuah Kafir Na Khush Hi Houn.

9

Wo Toh Hai Jis Ne Apne Paigamar Ko Hidayat Aur Deen-E-Haq De Kar Bhaija Taa-Ake Usse Aur Sab Deenoun Par Galib Kare Khuah Mushrikoun Ko Bura Hi Lage.

10

Momino! Main Tum Ko Aisi Tijaarat Bataoon Joh Tumahin Azaab-E-Aleem Se Mukhlasi De.

11

Wo Ye Ke Khuda Par Aur Us Ke Rasool S.A.W. Par Eemaan Lao Aur Khuda Ki Raah Main Apne Maal Aur Jaan Se Jahad Karo. Agar Samjho Toh Ye Tumhare Haq Main Behtar Hai.

12

Wo Tumhare Gunnah Bakhs De Ga Aur Tum Ko Baggh Haaye Jannat Main,  Jin Main Nehrain Beh Rahi Hain Aur Paakeeza Makanaat Main, Joh Behshat Haaye Jaawedaani Main Taiyaar Hain,  Dakhil Kare Ga. Ye Bari Kamayabi Hai.

13

Aur Aik Aur Cheez,  Jis Ko Tum Bohot Chahte Ho, Yaani Tumhain Khuda Ki Taraf Se Madad Naseeb Hogi Aur Fatah Anqareeb Hogi Aur Mominoun Ko Us Ki Khushkhabri Suna Do.

14

Momino! Khuda Ke Madagaar Ho Jao Jaise Eesa Ibn-E-Maryam Ne Hawariuoun Se Kaha,  Ke Bhala Koun Hain Joh Khuda Ki Taraf Bulane Main Mere Madadgaar Hounge. Hawariyoun Ne Kaha Ke Ham Khuda Ke Madadgaar Hain. Toh Bani Israil Main Se Aik Guroh Toh Eemaan Le Aaya Aur Aik Guroh Kafir Raha. Aakhir-Ul-Amar Ham Ne Eemaan Laane Waloun Ko Un Ke Dushmanoun Ke Muqaable Main Madad Di Aur Wo Gayab Ho Gaye.

^^^^^^^^^^^^^^^^^^^^^^^^^^^^^^^^^^^^^^