91-SOORAH-ASH-SHAMS-AAYAAT-15

91

Soorah-Ash-Shams

Aayaat-15

Shroo Allah Ke Naam Se Joh Bara Meheraan Aur Nihayat Rehem Farmane Wala Hai.

1

Sooraj Ki Qasam Aur Us Ki Roshni Ki.

2

Aur Chaand Ki Jab Us Ke Peeche Nikle

3

Aur Din Ki Jab Usse Chamka De.

4

Aur Raat Ki Jab Usse Chupa Le.

5

Aur Aasmaan Ki Aur Us Zaat Ki Jis Ne Usse Banaya.

6

Aur Zameen Ki Aur Us Ki Jis Ne Usse Phailaya.

7

Aur Insaan Ki Aur Us Ki Jis Ne Us Ke Aazaa Ko Barabar Kia.

8

Phir Us Ko Badkaari Se Bachne Aur Parhaizgaari Karne Ki Samajh Di.

9

Ke Jis Ne Apne Nafs Yaani Rooh Ko Paak Rakha Wo Muraad Ko Pohoncha.

10

Aur Jis Ne Usse Khaak Main Milaya Wo Khasare Main Raha.

11

Qoum-E-Samood Ne Apni Sarkashi Ke Sabab Paigamabar Ko Jhutlaya.

12

Jab Un Main Se Aik Nihayat Bad Bakht Utha.

13

Toh Khuda Ke Paigambar Saaleh Ne Un Se Kaha Ke K,huda Ki Oontni Aur Us Ke Pani Peene Ki Baari Se Hazar Karo.

14

Magar Unhoun Ne Paigamabar Ko Jhutlaya Aur Oontni Ki Koonchain Kaat Deen, Toh Khuda Ne Un Ke Gunnah Ke Sabab un Par Azaab Nazil Kia Aur Sab Ko Halaak Kar Ke Barabar Kar Dia.

15

Aur Us Ko Un Ke Badla Lene Ka Kuch Bhi Dar Nahi.