63-Soorah-al-Munafiqoon-Aayat-11

Soorah-Munafiqoon

Aayaat-11

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Ae Muhammad S.A.W. Jab Munafiq Loug Tumhare Paas Aate Hain Toh Az Raah-E-Nifaaq, Kehte Hain, Ke Ham Iqraar Karte Hain, Ke Aap Be Shak Khuda Ke Paigambar Hain Aur Khuda Jaanta Hai Ke Dar Haqeeqat Tum Us Ke Paigambar Ho,  Lekin Khuda Zahir Kiye Deta Hai,  Ke Munafiq Dil Se Aitqaad Na Rakhain Ke Is Lehaaz Se Jhoote Hain.

2

Unhoun Ne Apni Qasmoun Ko Dhaal Bana Rakha Hai Aur Un Ke Zariye Se Lougon Ko Raah-E-Khuda Se Rok Rahe Hain. Kuch Shak Nahi Ke Joh Kaam Ye Kartre Hain Bure Hain.

3

Ye Isliye Ke Ye Pehle Toh Eemaan Laaye Phir Kafir Ho Gaye,  Toh Un Ke Diloun Par  Mohor Laga Di Gai, Sou Ab Ye Samajhte Hi Nahi.

4

Aur Jab Tum Un Ke Tanasub-E-Aazaa Ko Daikhte Ho, Toh Un Ke Jism Tumhain Kia Hi Ache Maloom Hote Hain. Aur Jab Wo Guftugoo Karte Hain Toh Tum Un Ki Taqreeer Ko Tawajoh Se Sunte Ho Goya Larkriyaan Hain,  Joh Deewar Se Lagayee Gai Hain. Buzdil Asie Ke Har Zor Ki Awaz Ko Samajhain Ke Un Par Bala Ayee. Ye Tumhare Dushaman Hain Un Se Be Khof Na Rehna. Khuda Unko Halaak Kare. Ye Kahan Behke Phirte Hain.

4

Aur Jab In Se Kaha Jaye Ke Aao Rasool-E-Khuda Tumahre Liye Maghfirat Maangain,  Toh Sar Hila Dete Hain Aur Tum Un Ko Daikho Ke Takkbur Karte Hue Moonh Phair Lete Hain.

6

Tum Un Ke Liye Maghfirat Mango Ya Na Maango, Un Ke Haq Main Barabar Hai. Khuda Un Ko Har Gizz Na Bakhshe Ga. Be Shak Khuda Nafarmaan Lougon Ko Hidayat Nahi Dia Karta.

7

Ye Hi Hain Joh Kehte Hain Ke Joh Loug Rasool-E-Khuda Ke Paas Rehte Hain, Un Par Kuch Kharch Na Karo. Yayhan Tak Ke Ye Khud Bakhud Bhaag Jayen. Halanke Aasmaanoun Aur  Zameen Ke Khazaane Khuda Hi Ke Hain, Lekin Munanfiq Nahi Samjhte.

8

Kehte Hain Ke Agar Ham Lout Kar Madeena Pohonche, Toh Izzat Wale, Zaleel Lougon Ko Wahan Se Nikaal Bahar Karainge. Halanke Izzat Khuda Ki Hai Aur Us Ke Rasool Ki Aur Mominoun Ki Lekin Munaafiq Nahi Jaante.

9

Momino! Tumahra Maal Aur Aulad Tum Ko Khuda Ki Yaad Se Ghafil Na Kar De. Aur Joh Aisa Kare Ga Toh Wo Loug Khasare Uthane Wale Hain.

10

Aur Joh Maal Ham Ne Tum Ko Dia Hai, Us Main Se Us Waqt Se Paishtar Kharch Kar Lo, Ke Tum Main Se Kisi Ki Mout Aa Jaye, Toh Us Waqt Kehne Lage Ke Ae Mere Parwardigar Tu Ne Mujhe Thori Si Aur Mohlat Kion Na Di, Taa-Ake Main Khairaat Kar Leta Aur Naik Lougon Main Dakhil Ho Jata.

11

Aur Jab Kisi Ki Mout Aa Jati Hai Toh Khuda Us Ko Har Gizz Mohlat Nahi Deta Aur Joh Kuch Tum Karte Ho Khuda Us Se Khabardar Hai.

^^^^^^^^^^^^^^^^^^^^^^^^^^^^^^^^^^^^^^