92-SOORAH-AL-LAIL-AAYAAT-21

92

Soorah-Al-Lail

Aayat-21

Shroo Allah Ke Naam Se Joh Bara Meherbaan Aur Niahayat Rehem Farmane Wala Hai.

1

Raat Ki Qasam Jab Din Ko Chupa Le.

2

Aur Din Ki Qasam Jab Chamak Uthe.

3

Aur Us Zaat Ki Qasam Jis Ne Nar Aur Maada Paida Kiye.

4

Ke Tum Lougon Ki Koshishain Tarha Tarha Ki Hain.

5

Toh Jis Ne Khuda Ke Raste Main Maal Dia Aur Parhaizgaari Ki.

6

Aur Naik Baat Ko Sach Jaana.

7

Us Ko Ham Asaan Tareeqe Ki Toufeeq Dainge.

8

Aur Jis Ne Bukhal Kia Aur Be Parwa Bana Raha.

9

Aur Naik Baat Ko Jhoot Samjha.

10

Usse Sakhti Main Pohonchayen Ge.

11

Aur Jab Wo Dozakh Ke Garhe Main Gire Ga

Toh Us Ka Maal Us Ke Kuch Kaam Na Aaye Ga.

12

Hamain Toh Raah Dikha Dena Hai.

13

Aur Aakhrat Aur Dunia Hamari Hi Cheezain

Hain.

14

So Main Ne Tum Ko Bharakti Aag Se Mutnabeh Kar Dia.

15

Us Main Wo Hi Dakhil Hoga Joh Bara Bad Bakht Hai.

16

Jis Ne Jhutlaaya Aur Moonh Phaira.

17

Aur Joh Bara Parhaizgaar Hai Wo Us Se Bacha Liya Jaye Ga.

18

Joh Maal Deta Hai Taa-Ake Paak Ho.

19

Aur Isliye Nahi Deta Ke Us Par Kisi Ka Ehsan Hai Jis Ka Wo Badla Utaarta Hai.

20

Balke Apne Khudawand Aalaa Ki Raza Mandi Hasil Karne Ke Liye Deta Hai.

21

Aur Wo Anqareeb Khush Ho Jaye Ga.