099-Soorah-Az-Zalzalah-Aayaat-8

99

Soorah-Az-Zalzalah

Aayaat-8

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Jab Zameen Bhonchaal Se Hila Di Jaye Gi.

2

Aur Zameen Apne Andar Ke Bojh Nikaal Daale Gi.

3

Aur Insaan Kahe Ga Ke Is Ko Kia Hua Hai?

4

Us Roz Wo Apne Halaat Bayan Kar De Gi.

5

Kion Ke Tumhare Parwardigar Ne Us Ko Hukum Bhaija Hoga.

6

Us Din Loug Guroh Guroh Ho Kar Aayen Ge, Taa-Ake Un Ko Un Ke Aamal Dikha Diye Jaayen.

7

Toh Jis Ne Zarra Bhar Naiki Ki Ho Gi Wo Us Ko Daikh Le Ga.

8

Aur Jis Ne Zarra Bhar Buraai Ki Hogi Wo Usse Daikh Le Ga.