86-SOORAH-AT-TARIQ-AAYAAT-17

86

Sooorah-At-Tariq

Aayaat-17

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Aasmaan Au Raat Ke Waqt Aane Wale Ki Qasam.

2

Aur Tum Ko Kia Maloom Ke Raat Ke Waqt Aane Wala Kia Hai.

3

Wo Taara Hai Chamakne Wala .

4

Ke Koi Muttanaffis Nahi Jis Par Nigehbaan Muqarrar Nahi.

5

Toh Insaan Ko Daikhna Chahiye Ke Wo Kaahe Se Paida Hua Hai.

6

Wo Uchalte Hue Paani Se Paida Hua Hai.

7

Joh Peeth Aur Seene Ke Beech Main Se Nikalta Hai.

8

Be Shak Khdua Us Ke Aiaade Yaani Phir Paida Karne Par Qaadir Hai.

9

Jis Din Diloun Ke Bhaid Jaanche Jaayenge.

10

Toh Insaan Ki Kuch Paish Na Chal Sake Gi Aur Na Koi Us Ka Madadgaar Hoga.

11

Aasmana Ki Qsam Joh Meenh Barsaata Hai.

12

Aur Zameen Ki Qasam Joh Path Jati Hai.

13

Ke Ye Kaalaam-E-Haq Ko Batil Se Juda Kerne Wala Hai.

14

Aur Behooda Baat Nahi Hai.

15

Ye Loug Toh Apne Tadbeeroun Main Lag Rahe Hain.

16

Aur Ham Apne Tadbeer Kar Rahe Hian.

17

Toh Tum Kaafiroun Ko Mohlat Do, Bas Chand Roz Hi Mohlat Do.