Yarehmakulla

Wednesday, 4 May 2016

26-Soorah-ash-Shoaraa-aayaat-227

Soorah Ash-Shuara

Aayaat-227

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

Tuaa Seen Meem

Ye Kitaab-E-Roshan Ki Aayatain Hain.

Ae Paigambar S.A.W. Shayad Tum Is Ranj Se, Ke Ye Loug Eemaan Nahi Laate Apne Taiyee Halaak Kar Do Ge.

Agar Ham Chahain Toh In Par Aasmaan Se Nishaani Utaar Dain. Phir In Ki Gardanain Us Ke Aage Jhuk Jaayen.

Aur Un Ke Paas Khuda-E-Rehmaan Ki Taraf Se, Koi Nai Naseehat Nahi Aati Magar Us Se Moonh Phair Lete Hain.

So Ye Toh Jhutla Chuke Ab Un Ko Is Cheez Ki Haqeeqat Maloom Ho Gi Jis Ki Hansi Uraate The.

Kia Unhoun Ne Zameen Ki Taraf Nahi Daikha Ke Ham Ne Is Main Har Qisaam Ki Kitni Nafees Cheezain Ugaai Hain.

Kuch Shak Nahi Ke Is Main Qudrat-E-Khuda Ki Nishaani Hai Magar Ye Aksar Eemaan Laane Wale Nahi Hain.

Aur Tumhara Parwardigar Ghaalib Aur Meherbaan Hai.

Aur Jab Tumhare Parwardigaar Ne Moosa Ko Pukara Ke Zalim Lougon Ke Paas Jao.

Yaani Qoum-E-Firown Ke Paas, Kia Ye Darte Nahi.

Unhoun Ne Kaha Ke Mere Parwaridgaar Main Darta Hoon, Ke Ye Mujhe Jhoota Samjhain.

.Aur Mera Dil Tang Hota Hai Aur Meri Zabaan Rukti Hai, Tu Haroon Ko Hukum Bhaij Ke Mere Sath Chalain

Aur Un Lougon Ka Mujh Par Aik Gunnah Yaani Qibti Ke Khoon Ka Daawa Bhi Hai, So Mujhe Ye Bhi Dar Hai Ke Mujh Ko Maar Hi Daalain.

Farmaya Har Gizz Nahi.Tum Dono Hamari Nishaaniyan Le Kar Jaao, Ham Tumahre Sath Sunn-Ne Wale Hain.

Toh Dono Firown Ke Paas Jaao Aur Kaho Ke Ham Tamaam Jahaan Ke Malik Ke Bhaije Hue Hain.

Aur Is Liye Aaye Hain Ke Ap Bani Israail Ko Hamare Sath Jane Ki Ijazat Dain.

Firown Ne Moosa Se Kaha, Kia Ham Ne Tum Ko, Ke Abhi Bache The, Parwarish Nahi Kia Aur Tum Ne Barsoun Hamare Haan Umar Basar Nahi Ki.

Aur Tum Ne Aik Aur Kaam Kia Tha, Joh Kia Tum Na Shukre Maloom Hote Ho.

Moosa Ne Kaha Ke Haan Wo Harkat Mujh Se Nagahaan Sar Zad Hui Thi Aur Main Khata Kaaroun Main Tha.

Toh Jab Mujhe Tum Se Dar Laga Toh Tum Main Se Bhaag Gaya. Phir Khuda Ne Mujh Ko Naboowat-O-Ilm Bakhsha Aur Mujhe Paigambaroun Main Se Kia.

Aur Kai Ye Hi Ehsaan Hai Joh Aap Mujh Par Rakhte Hain, Ke Aap Ne Bani Israail Ko Gulaam Bana Rakha Hai.

Firown Ne Kaha Ke Tamaan Jahan Ka Malik Kia.

Kaha Ke Aasmaanoun Aur Zameen Aur Joh Kuch In Dono Main Hai Sab Ka Malik , Bashart Ye Ke Tum Lougon Ko Yaqeen Ho.

Firown Ne Apne Aahaali Mawaali Se Kaha Ke Kia Tum Sunte Nahi.

Moosa Ne Kaha Ke Tumhara Aur Tumhare Pehle Baap Daada Ka Malik.

Firown Ne Kaha, Ke Ye Paigambar Joh Tumhari Taraf Bhaija Gaya Hai Baawla Hai.

Moosa A.S. Ne Kaha Ke Mashriq Aur Magrib Aur Joh Kuch In Dono Main Hai, Sab Ka Malik, Bashart Ye Ke Tum Ko Samajh Ho.

Firown Ne Kaha Ke Agar Tum Ne Mere Siwa Kisi Aur Ko Maabood Banaya Toh Main Tumhain Qaid Kar Doonga.

Moosa Ne Keha Khuah Main Aap Ke Paas, Roshan Cheez Laaon Yaani Mojza.

Firown Ne Kaha Agar Sacche Ho Toh Usse Laao Dikhaao.

Pas Unhoun Ne Apni Laathi Daal Di Toh Wo Ussi Waqt Sarhee Azdaha Ban Gai.

Aur Apna Hath Joh Nikala Toh Ussi Dam Daikhne Waloun Ke Liye Safaid Burraq Nazar Aane Laga.

Firown Ne Apne Gird Ke Sardaaroun Se Kaha Ke Ye Toh Kamil-E-Fan Jadugar Hai.

Chahata Hai Ke Tum Ko Apne Jaadu Ke Zor Se Tumhare Mulk Se Nikaal De, Toh Tumhari Kia Raaye Hai?

Unhoun Ne Kaha Ke Usse Aur Us Ke Bhai Ke Bare Main Kuch Tawaquff Kijiye Aur Shehroun Main Naqeeb Bhaij Dijiye.

Ke Sab Maahir Jaadugaroun Ko Jama Kar Ke Aap Ke Paas Le Aayen.

Toh Jaadugar Aik Muqarrarah Din Ki Miyaad Par Jamah Ho Gaye.

Aur Lougon Se Keh Dia Gaya Ke Tum Sab Ko Ikhatte Ho Jana Chahyiye.

Taa-Ake Agar Jadugar Gaalib Rahian Toh Ham Un Ke Pairo Ho Jaayen.

Jab Jadugar Aagaye Toh Firown Se Kehne Lage Ke Agar Ham Galib Rahe Toh Hamain Sila Bhi Ata Hoga?

Firown Ne Kaha, Haan Aur Tum Maqraboun Main Bhi Daakhil Kar Liye Jao Ge.

Moosa Ne Un Se Kaha Ke Joh Cheez Daalni Chahate Ho Daalo.

Toh Unhoun Ne Apni Rassiyan Aur Laathiyan Daali Aur Kehne Lage Ke Firown Ke Iqbaal Ki Qasam Ham Zaroor Ghaalib Rahainge.

Phir Moosa Ne Apni Laathi Daali, Toh Wo In Cheezoun Ko Joh Jaadoogaroun Ne Banayee Theen Nigalne Lagi.

Tab Jadugar Sajde Main Girr Pare.

Aur Kehne Lage Ke Ham Tamaam Jahaan Ke Malik Par Eemaan Laaye.

Joh Moosa Aur Haroon Ka Malik Hai.

Firown Ne Kaha, Kia Is Se Pehle Ke Main Tum Ko Ijazat Doon, Tum Us Par Eemaan Le Aaye, Be Shak Ye Tumhara Bara Hai Jis Ne Tumko Jaadu Sikhaya Hai. So Anqareeb Tum Is Ka Anjaam Maloom Kar Lo Ge Ke Main Tumhare Hath Aur Paaon Itaaf Mukhlif Se Kaat Doonga Aur Tum Sab Ko Sooli Par Charhwa Doonga.

Unhoun Ne Kaha, Ke Kuch Nuqsaan Ki Baat Nahi Ham Apne Parwardigar Ki Taraf Lout Jaane Wale Hain.

Hamain Umeed Hai Ke Hamara Parwardigar Hamare Gunnah Bakhsh De Ga. Is Liye Ke Ham Awwal Eemaan Laane Waloun Main Hain.

Aur Ham Ne Moosa Ki Taraf Wahi Bhaiji Ke Hamare Bandoun Ko Raat Ko Le Niklo, Ke Firowniyoun Ki Taraf Se Tumahara Taaquubb Kia Jaye Ga.

Toh Firown Ne Shehroun Main Naqeeb Rawana Kiye.

Aur Kaha Ke Ye Loug Thori Si Jamaat Hain.

Aur Ye Hamain Gussa Dila Rahe Hain.

Aur Ham Sab Baa Saaz-O-Samaan Hain.

Toh Ham Ne In Ko Baaghoun Aur Chashmoun Se Nikaal Dia .

Aur Khazaanoun Aur Nafees Makanaat Se.

Un Ke Sath Ham Ne Is Tarha Kia Aur Un Cheezoun Ka Waris Bani Israail Ko Kar Dia.

Toh Unhoun Ne Sooraj Nikalte Yaani Subha Ko Un Ka Taaqubb Kia.

Jab Dono Jamaatain Aamne Saame Hui Toh Moosa Ke Sath Kehne Lage Ke Ham Toh Pakar Liye Gaye.

Moosa Ne Kaha Har Gizz Nahi Mera Parwardigar Mere Sath Hai Wo Mujhe Rasta Bataye Ga.

Us Waqt Ham Ne Moosa Ki Taraf Wahi Bhaiji Ke Apni Laathi Darya Par Maaro. Toh Darya Phat Gaya. Aur Har Aik Tukra Youn Ho Gaya Ke Goya Bara Pahaar Hai.

Aur Doosron Ko Wahan Ham Ne Qareeb Kar Dia.

Aur Mosa Aur Un Ke Sath Waloun Ko Toh Bahca Liya.

Phir Doosroun Ko Dibo Dia.

Be Shak Is Qisse Main Nishani Hai. Lekin Ye Aksar Eemaan Laane Wale Nahi.

Aur Tumhara Parwardigar Toh Ghaalib Aur Meherbaan Hai.

Aur Un Ko Ibrahim A.S. Ka Haal Parh Kar Suna Do.

Jab Unhoun Ne Apne Baap Aur Apni Qoum Ke Lougon Se Kaha Ke Tum Kis Cheez Ko Poojte Ho.

Wo Kehne Lage Ke Ham Buttoun Ko Poojte Hain Aur Un Ki Pooja Par Qaaim Hain.

Ibrahim A.S. Ne Kaha Ke Jab Tum In Ko Pukaarte Ho Toh Kia Wo Tumhari Awaaz Sunte Hain?

Ya Tumhain Kuch Faaide De Sakte Ya Nuqsaan Pohoncha Sakte Hain?

Unhoun Ne Kaha Nahi Balke Ham Ne Apne Baap Dada Ko Issi Tarha Karte Daikha Hai.

Ibrahim A.S. Ne Kaha Kia Tum Ne Daikha Hai Ke Jin Ko Tum Poojte Rahe Ho.

Tum Bhi Aur Tumhare Agle Baap Dada Bhi.

Wo Mere Dushman Hain. Magar Khuda-E-Rabb-Ul-Aalmeen Mera Dost Hai.

Jis Ne Mujhe Paida Kia Hai Aur Wo Hi Mujhe Raasta Dikhata Hai.

Aur Wo Joh Mujhe Khilata Aur Pilata Hai.

Aur Jab Main Bimaar Parta Hoon Toh Mujhe Shifa Bakhashta Hai.

Aur Wo Joh Mujhe Maare Ga Aur Phir Zinda Kare Ga.

Aur Wo Jis Se Main Umeed Rakhta Hoon Ke Qiamat Ke Din Mere Gunnah Bakhse Ga.

Ae Parwardigar Mujhe Ilm-O-Daanish Ata Farma Aur Naiko Kaaroun Main Shamil Kar.

Aur Pichle Lougno Main Mera Zikar-E-Naik Jari Kar.

Aur Mujhe Naimat Ki Behshat Ke Warisoun Main Kar.

Aur Mere Baap Ko Bakhash De Ke Wo Gumrahoun Main Se Hai.

Aur Jis Din Loug Utha Khare Kiye Jaayen Ge Mujhe Ruswa Na Kijiyo.

Jis Din Na Maal Hi Kuch Faaida De Sake Ga Aur Na Bete.

Haan Joh Shakhs Khuda Ke Paas Paak Dil Le Kar Aaya Wo Bach Jaye Ga.

Aur Behshat Parhaizgaaroun Ke Qareeb Kar Di Jaye Gi.

Aur Dozakh Gumraahoun Ke Saamne Laaye Jaye Gi.

Aur Un Se Kaha Jaye Ga Ke Jin Ko Tum Poojte The Wo

Kahan Hain?

Yaani Jin Ko Khuda Ke Siwa Poojte The, Kia Wo Tumhari Madad Kar Sakte Hain, Ya Khud Badla Le Sakte Hain.

Toh Wo Aur Gumrah Yaani Butt Aur Butt Parast Oundhe Moonh Dozakh Main Daal Diye Jaaye Ge.

Aur Shaitaan Ke Lashkar Sab Ke Sab Daakhil-E-Jahannum Hounge.

Wahan Wo Apas Main Jhagrain Ge Aur Kahian Ge.

Ke Khuda Ki Qasam Ham Toh Sareeh Gumrahi Main The.

Jab Ke Tumhain Khuda-E-Rabb-Ul-Aalemeen Ke Barabar Thehrate The.

Aur Ham Ko In Gunnehgaroun Hi Ne Gumraah Kia Tha.

100

Toh Aj Koi Hamara Sifaarish Karne Wala Hai.

101

Aur Na Garam Josh Dost.

102

Kaash Hamain Dunia Main Phir Jana Ho, Toh Ham Mominoun Main Ho Jaayen.

103

Be Shak Is Main Nishani Hai Aur Un Main Aksar Eemaan Laane Wale Nahi.

104

Aur Tumhara Parwardigar Toh Ghaalib Aur Meherbaan Hai.

105

Qoum-E-Nooh A.S. Ne Bhi Paigambaroun Ko Jhutlaya.

106

Jab Un Se Unke Bhai Nooh A.S. Ne Kaha Ke Tum Darte Kion Nahi.

107

Main Toh Tumhara Amanat Daar Paigambar Hoon.

108

Toh Khuda Se Daro Aur Mera Kaha Maano.

109

Aur Main Is Kaam Ka Tum Se Sila Nahi Maangta. Mera Sila Toh Khuda-E-Rab-Ul-Aalmeen Hi Par Hai.

110

Toh Khuda Se Daro Aur Mere Kehne Par Chalo.

111

Wo Bole Ke Kia Ham Tum Ko Maan Lain Aur Tumhare Pairo Toh Razeel Loug Hue Hain.

112

Nooh A.S. Ne Kaha Ke Mujhe Kia Maloom Ke Wo Kia Karte Hain.

113

Un Ka Hisaab-E-Aamaal Mere Parwardigar Ke Zimme Hai Kaash Tum Samjho.

114

Aur Main Mominon Ko Nikaal Dene Wala Nahi Hoon.

115

Main Toh Sirf Khol Khol Kar Naseehat Karne Wala Hoon.

116

Unhoun Ne Kaha Ke Nooh Agar Tum Baaz Na Aao Ge Toh Sangsaar Kar Diye Jao Ge.

117

Nooh Ne Kaha Ke Parwardigar Meri Qoum Ne Toh Mujhe Jhutla Dia.

118

Toh Tu Mere Aur Un Ke Darmiyaan Aik Khula Faisla Kar De Aur Mujhe, Aur Joh Momin Mere Sath Hain Un Ko Bacha Le.

119

Pas Ham Ne Un Ko Aur Joh Un Ke Sath Bhari Hui Kashti Main Sawaar The,Un Ko Bacha Liya.

120

Phir Us Ke Baad Baqi Lougon Ko Dibo Dia.

121

Be Shak Is Main Nishaani Hai Aur Un Main Aksar Eemaan Laane Wale Nahi The.

122

Aur Tumhara Parwardigaar Toh Ghaalib Aur Meherbaan Hai.

123

Aad Ne Bhi Paigambaroun Ko Jhutlaya.

124

Jab Un Se Un Ke Bhai Hood Ne Kaha Kia Tum Darte Nahi.

125

Main Toh Tumhara Amaant Daar Paighambar Hoon.

126

Toh Khuda Se Daro Aur Mera Kaha Maano.

127

Aur Main Is Ka Tumse Kuch Badla Nahi Maangta. Mera Badla Khuda-E-Rabb-Ul-Aalmeen Ke Zimme Hai.

128

Bhala Tum Har Oonchi Jaga Par Abass Nishaan Taameer Karte Ho.

129

Aur Mehel Banate Ho Shayad Tum Hamesha Raho Ge.

130

Aur Jab Kisi Ko Pakarte Ho Toh Zaalimaana Pakarte Ho.

131

Toh Khuda Se Daro Aur Meri Itaa-At Karo.

132

Aur Us Se, Jis Ne Tum Ko Un Cheezoun Se Madad Di, Jin Ko Tum Jaante Ho Daro.

133

Us Ne Tumhian Chaar Paayoun Aur Baitoun Se Madad Di.

134

Aur Baaghoun Aur Chashmoun Se .

135

Mujh Ko Tumhare Baare Main Bare Sakht Din Ke Azaab Ka Khof Hai.

136

Wo Kehne Lage Ke Hamain Khuah Naseehat Karo Ya Na Karo Hamare Liye Yaksaan Hai.

137

Ye Toh Agloun Hi Ki Tareeqe Hain.

138

Aur Ham Par Koi Azaab Nahi Aaye Ga.

139

Toh Unhoun Ne Hood Ko Jhutlaya So Ham Ne Un Ko Halaak Kar Daala. Be Shak Is Main Nishaani Hai. Aur Un Main Aksar Eemaan Laane Wale Nahi The.

140

Aur Tumhara Parwardigar Toh Ghaalib Aur Meherbaan Hai.

141

Aur Qoum-E-Samood Ne Bhi Paigambaroun Ko Jhutlaya.

142

Jab Un Se Un Ke Bhai Saaleh A.S. Ne Kaha Ke Tum Darte Kion Nahi?

143

Main Toh Tumhara Amanat Daar Paigambar Hoon.

144

Toh Khuda Se Daro Aur Mera Kaha Maano.

145

Aur Main Is Ka Tum Se Badla Nahi Maangta. Mera Badla Khuda Rabb-Ul-Aalmeen Ke Zimme Hai.

146

Kia Joh Cheezain Tumhain Yahan Moiyassar Hain Un Main Tum Be Khof Chor Diye Jaao Ge.

147

Yaani Baagh Aur Chashme.

148

Aur Khaitiyaan Aur Khajoorain, Jin Ke Khoshe Lateef-O-Nazuk Hote Hain.

149

Aur Takkalluf Se Paharoun Main Taraash Taraash Kar Ghar Banate Ho.

150

Toh Khuda Se Daro Aur Mere Kehne Par Chalo.

151

Aur Had Se Tajawuzz Karne Waloun Ki Baat Na Maano.

152

Joh Mulk Main Fisaad Karte Hain Aur Islaah Nahi Karte.

153

Wo Kehne Lage Ke Tum Toh Jadu Zada Ho.

154

Tum Aur Kuch Nahi, Hamari Hi Tarha Ke Aadmi Ho. Agar Sache Ho Toh Koi Nishanai Paish Karo.

155

Saaleh A.S. Ne Kaha Daikho Ye Oontni Hai, Aik Din Is Ki Paani Peene Ki Baari Hai, Aur Aik Moiyyan Roz(Fix Day) Tumhari Baari.

156

Aur Is Ko Koi Takleef Na Dena Nahi Toh Tum Ko Sakht Azaab Aa Pakre Ga.

157

Toh Unhoun Ne Us Ki Koonchain Kaat Daaleen Phir Naadim Hue.

158

So Un Ko Azaab Ne Aa Pakra. Be Shak Is Main Nishanai Hai.Aur Un Main Aksar Eemaan Laane Wale Nahi The.

159

Aur Tumhara Parwardigar Toh Ghaalib Aur Meherbaan Hai.

160

Aur Qoum-E-Loot Ne Bhi Paigambaroun Ko Jhutlaya.

161

Jab Un Se Un Ke Bhai Loot A.S. Ne Kaha Ke Tum Kion Nahi Darte.

162

Main Toh Tumhara Amanat Daar Paigambar Hoon.

162

Toh Khuda Se Daro Aur Mera Kaha Maano.

164

Aur Main Tum Se Is Kaam Ka Badla Nahi Maangta. Mera Badla Khuda-E-Rabb-Ul-Aalmeen Ke Zimme Hai.

165

Kia Tum Ehl-E-Aalam Main Se Larkoun Par Maail Hote Ho.

166

Aur Tumhare Parwaridigaar Ne, Joh Tumhare Liye Tumhari Biwiyaan Paida Ki Hain, Un Ko Chor Dete Ho .Haqeeqat Ye Hai Ke Tum Had Se Niakal Jaane Wale Loug Ho.

167

Wo Kehne Lage Ke Loot Agar Tum Baaz Na Aao Ge Toh Sheher Badar Kar Diye Jaao Ge.

168

Loot Ne Kaha Ke Main Tumhare Kaam Se Sakht Baizaar Hoon.

169

Ae Mere Parwardigar Mujh Ko Aur Mere Ghar Waloun Ko Un Ke Kaamoun Ke Wabaal Se Nijaat De.

170

So Ham Ne Un Ko Aur Un Ke Ghar Waaloun Ko Sab Ko Nijaat Di.

171

Magar Aik Burhiya, Ke Peeche Reh Gai.

172

Phir Ham Ne Auroun Ko Halaak Kar Dia.

173

Aur In Par Meenh Barsaaya. So Joh Meenh(Rain) In Lougon Par Barsa, Joh Daraye Gaye The, Wo Bura Tha.

184

Be Shak Is Main Nishaani Hai. Aur Un Main Aksar Eemaan Laane Wale Nahi The.

175

Aur Tumhara Parwardigar Toh Ghaalib Aur Meherbaan Hai.

176

Aur Ban Kar Rehne Waloun Ne Bhi Paigambaroun Ko Jhutlaya.

177

Jab Un Se Shoaib A.S. Ne Kaha Ke Tum Darte Kion Nahi?

178

Main Toh Tumhara Amanat Daar Paigambar Hoon.

179

Toh Khuda Se Daro Aur Mera Kaha Maano.

180

Aur Main Is Kaam Ka Tum Se Kuch Badla Nahi Maangta Mera Badla Toh Khuda-E-Rabb-Ul-Aalmeen Ke Zimme Hai.

181

Daikho Paimaana Poora Bhara Karo Aur Nuqsaan Na

Kia Karo.

182

Aur Taraazoo Seedhi Rakh Kar Toula Karo.

183

Aur Lougon Ko Un Ki Cheezain Kam Na Dia Karo Aur Mulk Main Fisad Na Karte Phiro.

184

Aur Us Se Daro Jis Ne Tumko Aur Pehli Khalqat Ko Paida Kia.

185

Wo Kehne Lage Ke Tum Jaadu Zada Ho.

186

Aur Tum Aur Kuch Nahi Ham Hi Jaise Aadmi Ho. Aur Hamara Khayal Hai Ke Tum Jhoote Ho.

187

Agar Sachhe Ho, Toh Ham Par Aasmaan Se Aik Tukra Laa Giraao.

188

Shoaib Ne Kaha Ke Joh Kaam Tum Karte Ho Mera Parwardigar Is Se Khoob Waqif Hai.

189

Toh Un Lougon Ne Un Ko Jhutlaya, Pas Saaibaan Ke Azaab Ne Un Ko Aa Pakra. Be Shak Wo Bare Sakht Din Ka Azaab Tha.

190

Is Main Yaqeenan Nishani Hai.Aur Un Main Aksar Eemaan Laane Wale Nahi The.

191

Aur Tumhara Parwardigar Toh Ghaalib Aur Meherbaan Hai.

192

Aur Ye Quraan Khuda-E-Parwardigar Aalam Ka Utaara Hau Hai.

193

Is Ko Amanat Daar Farishta Le Kar Utra Hai.

194

Yaani Us Ne Tumhare Dil Par Ilqa Kia Tha Taa-Ake Lougon Ko Naseeehat Karte Raho.

195

Aur Ilqa Bhi Faseeh Arabi Zabaan Main Kia Hai.

196

Aur Is Ki Khabar Pehle Paigambaroun Ki Kitaaboun Main Likhi Hui Hai.

197

Kia Un Ke Liye Ye Sanad Nahi Hai Ke Ulmaa-E-Bani Israail Is Baat Ko Jaante Hain.

198

Aur Agar Ham Is Ko Kisi Gair Ehl-E-Zaban Par Utaarte.

199

Aur Wo Isse Un Lougon Ko Parh Kar Sonata Toh Ye Usse Kabhi Na Maante.

200

Issi Tarha Ham Ne Inkaar Ko Gunnehgaaroun Ke Diloun Main Daakhil Kar Dia.

201

Wo Jab Tak Dard Dene Wala Azaab Na Daikh Lainge, Us Ko Nahi Maane Ge.

202

Wo Un Par Nagaahan Aa Waaqe Hoga Aur Unhain Khabar Bhi Na Hogi.

203

Us Waqt Kahain Ge Ke Kia Hamain Mohlat Mile Gi?

204

Toh Kia Ye Hamare Azaab Ko Jaldi Talab Kar Rahe Hain.

205

Bhala Daikho Toh Agar Ham Un Ko Barsoun Faaide Dete Rahain.

206

Phir Un Par Wo Azaab Aa Waaqe Ho Jis Ka Un Se Waada Kia Jata Hai.

207

Toh Joh Faaide Ye Uthaate Rahe Hain Un Ke Kis Kaam Aayen Ge.

208

Aur Ham Ne Koi Basti Halaak Nahi Ki Magar Us Ke Liye Naseehat Karne Wale Pehle Bhaij Dete The.

209

Taa-Ake Naseehat Kar Dain, Aur Ham Zaalim Nahi Hain.

210

Aur Is Quraan Ko Shaitaan Le Kar Naazil Nahi Hue.

211

Ye Kaam Na Toh Un Ko Sazawaar Hai Aur Na Wo Is Ki Taaqat Rakhte Hain.

212

Wo Aasmani Baatoun Ke Sunn-Ne Ke Maqaamaat Se Alag Kar Diye Gaye Hain.

213

Toh Khuda Ke Siwa Kisi Aur Maabood Ko Mat Pukaarna,Warna Tum Ko Azaab Dia Jaye Ga.

214

Aur Apne Qareeb Ke Rishta Daaroun Ko Darr Suna Do.

215

Aur Joh Momin Tumhare Pairo Ho Gaye Hain, Un Se Matawaazeh(Balanced) Paish Aao.

216

Phir Agar Loug Tumhari Nafarmaani Karian Toh Keh Do Ke Main Tumhare Aamaal Se Be Taalluq Hoon.

217

Aur Khuda-E-Ghaalib Aur Meherbaan Par Bharosa Rakho.

218

Joh Tum Ko Jab Tum Tahajjud Ke Waqt Uthte Ho Daikhta Hai.

219

Aur Namaziyoun Main Tumhare Phirne Ko Bhi.

220

Be Shak Wo Sunn-Ne Wala Aur Jaan-Ne Wala Hai.

221

Acha Main Tumhain Bataoon Ke Shaitaan Kis Par Utarte Hain.

222

Har Jhoote Gunnehgaar Par Utarte Hain.

223

Joh Suni Hui Bat Us Ke Kaan Main La Daalte Hain Aur Wo Aksar Jhoote Hain.

224

Aur Shaairoun Ki Pairwi Gumraah Loug Kia Karte Hain.

225

Kia Tum Ne Nahi Daikha Ke Wo Har Waadi Main Sar Maarte Phirte Hain.

226

Aur Kehte Wo Hain Joh Karte Nahi.

227

Magar Joh Loug Eemaan Laye Aur Naik Kaam Kiye Aur Khuda Ko Bohot Yaad Karte Rahe Aur Apne Oopar Zulm Hone Ke Baad Intiqaam Liya Aur Zaalim Anqareeb Jaan Lainge Ke Koun Si Jaga Lout Kar Jaate Hain.

^^^^^^^^^^^^^^^^^^^^^^^^^^^^^^^^^^^

27-Soorah-an-Namal-Aayat-93

Sorrah-An-Namal

Aayaat 93

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

Tuaa Seen. Ye Quraan Aur Kitaab-E-Roshan Ki Aayatain Hain.

Mominoun Ke Liye Hidayat Aur Basharat Hai.

Wo Joh Namaaz Parhte Aur Zakaat Dete Aur Aakhrat Ka Yaqeen Rakhte Hain.

Joh Loug Aakhrat Par Eemaan Nahi Rakhte, Ham Ne Un Ke Aamaal Un Ke Liye Aaraasta Kar Diye Hain Toh Wo Sar Gardaan Ho Rahe Hain.

Ye Hi Loug Hain Jin Ke Liye Bara Azqaab Hai Aur Wo Aakhrat Main Bhi Bohot Nuqsaan Uthaane Wale Hain.

Aur Tum Ko Quraan Khuda-E-Hakeem-O-Aleem Ki Taraf Se Ata Kia Jata Hai.

Jab Moosa A.S. Ne Apne Ghar Waloun Se Kaha Ke Main Ne Aag Diakhi Hai, Main Wahan Se Raaste Ka Pata Laata Hoon, Ya Sulagta Hua Angaara Tumhare Paas Laata Hoon Taa-Ake Tum Taapo.

Jab Moosa Un Ke Paas Aaye Toh Nida(Awaaz) Aayee Ke Wo Joh Aag Main Tajjalli Dikhata Hai, Ba Barkat Hai. Aur Wo Joh Aag Ke Irrd Gird Hain Aur Khuda Joh Tumaam Aalam Ka Parwardigaar Hai Paak Hai.

Ae Moosa Main Hi Khudaa-E-GKaalib-O-Dana Hoon.

Aur Apni Laathi Daal Do, Jab Usse Daikha Toh Is Tarha Hill Rahi Thi Goya Saamp Hai, Toh Peeth Phair Kar Bhaage Aur Peeche Murr Kar Na Daikha Hukum Hua Ke Moosa Daro Mat. Hamare Paas Paigambar Dara Nahi Karte.

Haan Jis Ne Zulm Kia, Phir Burai Ke Baad Usse Naiki Se Badal Dia, Toh Main Bakhashne Wala Meherbaan Hoon.

Aur Apna Haath Apne Girebaan Main Daalo Be Aib Safaid Nikle Ga. Un Do Moujzoun Ke Sath Joh Nou(9) Mojzoun Main Dakhil Hain, Firown Aur Us Ki Qoum Ke Paas Jaao Ke Wo Badkirdaar Loug Hain.

Jab Un Ke Paas Hamari Roshan Nishaaniyan Pohonchi ,Kehne Lage Ke Ye Sareeh Jaadu Hai.

Aur Be Insaafi Aur Gharoor Se Un Se Inkar Kia, Lekin Un Ke Dil Un Ko Maan Chuke The. So Daikh Lo Ke Fisaad Karne Waloun Ka Anjaam Kaisa Hua.

Aur Ham Ne Daawood A.S. Aur Sulaimaan A.S. Ko Ilm Bakhsha Aur Unhoun Ne Kaha Keh Khuda Ka Shukar Hai, Jis Ne Hamain Apne Bohot Se Momin Bandoun Par Fazeelat Di.

Aur Sulaimaan Daaowood Ke Qaaim Maqaaam Hue. Aur Kehne Lage Ke Lougo! Hamain Khuda Ki Taraf Se Janwaroun Ki Boli Sikhayee Gai Hai, Aur Har Cheez Inayat Farmaayee Gai Hai. Be Shak Ye Us Ka Sareeh Fazal Hai.

Aur Sulaimaan A.S. Ke Liye Jinoun Aur Insaanoun Aur Parindoun Ke Lashkar Jama Kiye Gaye Aur Wo Qisam Waar Kiye Gaye The.

Yahan Tak Ke Jab Choontiyoun Ke Maidaan Main Pohonche, Toh Aik Choonti Ne Kaha Ke Choontiyoun Apne Apne Billoun Main Daakhil Ho Jaao, Aisa Na Ho Ke Sulaimaan A.S. Aur Us Ke Lashkar Tum Ko Kuchal Daalain, Aur Un Ko Khabar Bhi Na Ho.

Toh Wo Us Ki Baat Se Hans Pare Aur Kehne Lage Ke Ae Parwardigaar ! Mujhe Toufeeq Inayat Kar Ke Joh Ehsaan Tu Ne Mujh Par Aur Mere Maa Baap Par Kiye Hain Un Ka Shukar Karoon Aur Aise Naik Kaam Karoon Ke Tu Un Se Khush Ho Jaye Aur Mujhe Apni Rehmat Se Apne Naik Bandoun Main Daakhil Farma.

Aur Jab Unhoun Ne Janwaroun Ka Jaaiza Liya Toh Kehne Lage Kia Sabab Hai Ke Hudd Hudd Nazar Nahi Aata .Kia Kahin Gayab Ho Gaya Hai?

Main Usse Sakht Saza Doonga Ya Zibaah Kar Daaloon Ga Ya Mere Saamne Apni Be Qasoori Ki Daleel Sareeh Paish Kare.

Abhi Thori Hi Dair Hui Thi Ke Hudd Hudd Aa Majood Hua Aur Kehne Laga Ke Mujhe Aik Aisi Cheez Maloom Hui Hai Jis Ki Aap Ko Khabar Nahi Aur Main Aap Ke Paas Sheher-E-Saba Se Aik Yaqeeni Khabar Le Kar Aaya Hoon.

Main Ne Aik Aurat Daikhi Ke Un Lougon Par Baadshaahat Karti Hai Aur Har Cheez Usse Moyassar (Available) Hai Aur Us Ka Aik Bara Takht Hai.

Main Ne Daikha Ke Wo Aur Us Ki Qoum Khuda Ko Chor Kar Aaftaab(Sooraj) Ko Saajda Karte Hain Aur Shaitaan Ne Un Ke Aamaal Unhain Aaraasta Kar Dikhaye Hain Aur Un Ko Raste Se Rouk Rakha Hai Pas Wo Raaste Par Nahi Aate.

Aur Nahi Samajhte Ke Khuda Ko Joh Aasmaanoun Aur Zameen Main Chupi Cheezoun Ko Zaahir Kar Deta Aur Tumhare Posheeda Aur Zaahir Aamaal Ko Jaanta, Hai Kion Sajda Na Karain.

Khuda Ke Siwa Koi Ibadat Ke Laaiq Nahi Wo Hi Arsh-E-Azeem Ka Maalik Hai.

Sulaiman A.S. Ne Kaha Acha Ham Daikhen Ge, Tu Ne Saach Kaha Hai Ya Tu Jhoota Hai.

Ye Mera Khat Le Ja Aur Isse Un Ki Taraf Daal De Phir Un Ke Paas Se Phir Aa Aur Daikh Ke Wo Kia Jawab Dete Hain.

Malka Ne Kaha Ke Darbaar Walo ! Meri Taraf Aik Naam-E-Giraami Daala Gaya Hai.

Wo Sulaimaan A.S. Ki Taraf Se Hai Aur Mazmoon Ye Hai Ke Shroo Khuda Ka Naam Le Kar Joh Bara Meherbaan Nihayat Rehem Wala Hai.

Baad Is Ke Ye Ke Mujh Se Sarkashi Na Karo Aur Mutee-O-Manqaad Ho Kar Mere Paas Chale Aao.

Khat Sunn Kar Kehne Lagi Ke Ae Ehl-E-Darbaar Mere Is Moaamle Main Mujhe Mashwara Do, Jab Tak Tum Hazir Na Ho Aur Salah Na Do Main Kisi Kaam Ko Faisal Karne Wali Nahi.

Wo Bole Ke Ham Bare Zor Aawar Aur Sakht Jangjoo Hain Aur Hukum Aap Ke Ikhtiyaar Main Hai, Toh Joh Hukum Dijiye Ga Us Ke Maal Par Nazar Kar Lijiye Ga.

Us Ne Kaha Ke Baadshah Jab Kisi Sheher Main Daakhil Hote Hain Toh Us Ko Tabaah Kar Dete Hain Aur Wahan Ke Izzat Waloun Ko Zaleel Kar Diya Karte Hain Aur Issi Tarha Ye Bhi Karain Ge.

Aur Main In Ki Taraf Kuch Tohfa Bhaijti Hoon Aur Daikhti Hoon Ke Qaasid Kia Jawaab Laate Hain.

Jab Qaasid Sulaimaan A.S. Ke Paas Pohoncha Toh Sulaimaan A.S. Ne Kaha Kia Tum Mujhe Maal Se Madad Dena Chahte Ho, Joh Kuch Khuda Ne Mujhe Ata Farmaya Hai Wo Uss Se Behtar Hai Joh Tumhain Dia Hai Haqeeqat Ye Hai Ke Apne Tohfe Se Tum Hi Khush Hote Hoge.

Un Ke Paas Wapas Jaao Ham Un Par Aise Lashkar Le Kar Hamla Karainge Jis Ke Muqaable Ki Un Ko Taaqat Na Hogi Aur Un Ko Wahan Se Be Izzat Kar Ke Nikaal Dainge Aur Wo Zaleel Houge.

Sulaimaan Ne Kaha Ke Ae Darbaar Walo! Koi Tum Main Se Aisa Hai Ke Qabal Is Ke Keh Wo Loug Farmaabardaar Ho Kar Hamare Paas Aayen Malka Ka Takhat Mere Paas Le Aaye.

Jinnat Main Se Aik Qawi Haikal Jinn Ne Kaha Ke Qabal Is Ke Keh Ap Apni Jaga Se Uthain Main Is Ko Aap Ke Paas La Hazir Karta Hoon Aur Mujhe Is Par Qudrat Bhi Haasil Hai Aur Amanat Daar Bhi Hoon.

Aik Shakhs Jis Ko Kitaab-E-Ilaahi Ka Ilm Tha Kehne Laga Ke Main Aap Ki Aankh Ke Jhapakne Se Pehle Pehle Isse Ap Ke Paas Haazir Kiye Deta Hoon. Jab Sulaiman A.S. Ne Takhat Ko Apne Paas Rakha Hua Daikha Toh Kaha Ke Ye Mere Parwardigar Ka Fazal Hai, Taa-Ake Mujhe Aazmaaye Ke Main Shukar Karta Hoon Ya Kufraan-E-Naimat Karta Hoon Aur Joh Shukar Karta Hai, Toh Apne Hi Faaide Ke Liye Shukar Karta Hai Aur Joh Nashukri Karta Hai Toh Mera Parwardigar Be Parwa Aur Karam Karne Wala Hai.

Sulaimaan Ne Kaha Ke Malka Ke Imtihaan-E-Aqal Ke Liye Us Ke Takhat Ki Soorat Badal Do. Daikhain Ke Wo Soojh Boojh Rakhti Hai Ya Un Lougon Main Se Hai Joh Soojh Nahi Rakhte.

Jab Wo Aa Pohonchi Toh Poocha Gaya Keh Kia Aap Ka Takhat Bhi Issi Taraha Ka Hai? Us Ne Kaha Ke Ye Toh Goya Hu Bahu Wo Hi Hai Aur Ham Ko Is Se Pehle Hi Sulaimaan Ki Azmat-E-Shan Ka Ilm Ho Gaya Tha Aur Ham Farmanbardaar Hain.

Aur Wo Joh Khuda Ke Siwa Aur Ki Parastish Karti Thi, Sulaimaan Ne Us Ko Us Se Mana Kia Is Se Pehle Toh Wo Kaafiroun Main Se Thi.

Phir Us Se Kaha Gaya Ke Mehel Main Chaliye, Jab Us Ne Us Ke Farsh Ko Daikha Toh Usse Paani Ka Houz Samjha Aur Kapra Utha Kar Apni Pindliyaan Khol Deen. Sulaimaan Ne Kaha, Ye Aisa Mehel Hai Jis Ke Neeche Bhi Sheeshe Jare Hue Hain. Wo Boul Uthi Ke Parwardigar Main Apne Aap Par Zulm Karti Rahi Thi Aur Ab Main Sulaimaan Ke Hath Par Khuda-E-Rabb-Ul-Aalmeen Par Eemaan Laati Hoon.

Aur Ham Ne Samood Ki Taraf Un Ke Bhai Saaleh A.S. Ko Bhaija Ke Khuda Ki Ibadat Karo Toh Wo Do Fareeq Ho Kar Aapas Main Jhagarne Lage.

Saaleh A.S. Ne Kaha Ke Ae Qoum Tum Bhalayee Se Pehle Buraaye Ke Liye Kion Jaldi Karte Ho Aur Khuda Se Bakhshish Kion Nahi Maangte Taa-Ake Tum Par Rehem Kia Jaaye.

Wo Kehne Lage Ke Tum Aur Tumhare Sathi Hamare Liye Shagoon-E-Badd Hain. Saaleh A.S. Ne Kaha Ke Tumhari Badshagooni Khuda Ki Taraf Se Hai Balke Tum Aise Loug Ho Jin Ki Aazmaaish Ki Jati Hai.

Aur Sheher Main Nou (9)Shakhs The Joh Mulk Main Fisaad Kia Karte The Aur Islaah Se Kaam Nahi Lete The.

Kehne Lage Ke Khuda Ki Qasam Khao Ke Ham Raat Ko Us Par Aur Us Ke Ghar Waloun Par Shab-E-Khoon Maarain Ge Phir Us Ke Waaris Usse Keh Dainge Ke Ham Toh Us Ke Ghar Waaloun Ke Moqa-E-Halakat Par Gaye Hi Nahi Aur Ham Sach Kehte Hain.

Aur Wo Aik Chaal Chale Aur Ham Bhi Aik Chaal Chale Aur Un Ko Kuch Khabar Na Hui.

Toh Daikh Lo Ke Un Ki Chaal Ka Anjaam Kaisa Hua. Ham Ne Us Ko Aur Un Ki Qoum Sab Ko Halaak Kar Daala.

Ab Ye Un Ke Ghar Un Ke Zulm Ke Sabab Khaali Pare Hain. Joh Loug Daanish Rakhte Hain , Un Ke Liye Is Main Nishaani Hai.

Aur Joh Loug Eemaan Laaye Aur Darte The Un Ko Ham Ne Nijaat Di.

Aur Loot A.S. Ko Yaad Karo Jab Unhoun Ne Apni Qoum Se Kaha Ke Tum Be Hayayee Ke Kaam Kion Karte Ho Aur Tum Daikhte Ho.

Kia Tum Arutoun Ko Chor Kar Lazzat Hasil Karne Ke Liye Mardoun Ki Taraf Maail Hote Ho. Haqeeqat Ye Hai Ke Tum Ehmaq(Duffer) Loug Ho.

Toh Un Ke Qoum Ke Loug Bole, Toh Ye Bole, Aur Iske Siwa Un Ka Kuch Jawab Na Tha, Ke Loot A.S. Ke Ghar Waaloun Ko Apne Sheher Se Nikaal Do.Ye Loug Paak Bann-Na Chahte Hain.

Toh Ham Ne Unko Aur Un Ke Ghar Waloun Ko Nijaat Di. Magar Un Ki Biwi Ke Us Ki Nisbat Ham Ne Muqarrar Kar Rakha Tha Ke Wo Peeche Rehne Waloun Main Hogi.

Aur Ham Ne Us Pe Meenh Barsaaya So Joh Meenh Un Lougon Par Barsa Jin Ko Muttnabeh Kar Dia Gaya Tha, Bura Tha.

Keh Do Ke Sab Taareef Khuda Hi Ko Sazawaar Hai Aur Us Ke Bandoun Par Salam Hai Jin Ko Us Ne Muntakhib Farmaya. Bhala Khuda Behtar Hai Ya Wo Jin Ko Ye Us Ka Shareek Banate Hain.

Bhala Kis Ne Aasmaanoun Aur Zamen Ko Paida Kia Aur Kis Ne Tumhare Liye Aasmaan Se Paani Barsaaya. Ham Ne, Phir Ham Ne Us Se Sar Sabz Baagh Ugaaye. Tumhara Kaam Toh Na Tha Ke Tum Un Ke Darakhtoun Ko Ugaate .Toh Kia Khuda Ke Sath Koi Aur Bhi Maabood Hai? Har Gizz Nahi Balke Ye Loug Raste Se Alag Ho Rahe Hain.

Bhala Kis Ne Zameen Ko Qaraar Gaah Banaya Aur Is Ke Beech Nehrain Banayee Aur Is Ke Liye Pahaar Banaye Aur Kis Ne Do Daryaaoun Ke Beech Aut Banayee Ye Sab Kuch Khuda Ne Banaya Toh Kia Khuda Ke Sath Koi Aur Maabood Bhi Hai? Har Gizz Nahi Balke Un Main Aksar Daanish Nahi Rakhte.

Bhala Koun Beqaraar Ki Iltija Qabool Karta Hai. Jab Wo Us Se Dua Karta Hai Aur Koun Us Ki Takleef Ko Door Karta Hai Aur Koun Tum Ko Zameen Main Agloun Ka Ja Nasheen Banata Hai, Ye Sab Kuch Khuda Karta Hai, Toh Kia Khuda Ke Sath Koi Aur Maabood Bhi Hai Har Gizz Nahi Magar Tum Bohot Kam Gour Karte Ho.

Bhala Koun Tum Ko Jungle Aur Darya Ke Andhairoun Main Raasta Batata Hai Aur Koun Hawaaoun Ko Apni Rehamt Ke Aage Khush Khabri Bana Kar Bhaijta, Hai Ye Sab Kuch Khuda Karta Hai Toh Kia Khuda Ke Sath Koi Aur Maabood Bhi Hai? Har Gizz Nahi .Ye Loug Joh Shirk Karte Hain Khuda Ki Shaan Us Se Bulaand Hai.

Bhala Koun Khalqat Ko Pehli Baar Paida Karta. Phir Us Ko Baar Baar Paida Karta Rehta Hai Aur Koun Tum Ko Aasmaan Aur Zameen Se Rizq Deta Hai Ye Sab Kuch Khuda Karta Hai, Toh Kia Khuda Ke Sath Koi Aur Mabood Bhi Hai Har Gizz Nahi, Keh Do Ke Mushriko Agar Tum Sache Ho Toh Daleel Paish Karo.

Keh Do Ke Joh Loug Aasmaanoun Aur Zameen Main Hain Khuda Ke Siwa Ghaib Ki Baatain Nahi Jaante. Aur Na Ye Jante Hain Ke Kab Zinda Kar Ke Uthaye Jayen Ge.

Balke Aakhrat Ke Baare Main Un Ka Ilm Muntahi Ho Chukka Hai, Balke Wo Is Se Shak Main Hain. Balke Is Se Andhe Ho Rahe Hain.

Aur Joh Loug Kaafir Hain Kehte Hain Ke Jab Ham Aur Hamare Baap Dada Matti Ho Jaayen Ge Toh Kia Ham Phir Qabroun Se Nikaale Jayen Ge.

Ye Waada Ham Se Aur Hamare Baap Dada Se Pehle Se Hota Chala Aaya Hai, Kahan Ka Uthna Aur Kaisi Qiamat Ye Toh Sirf Pehle Lougon Ki Kahaniyan Hain.

Keh Do Ke Mulk Main Chalo Phiro, Phir Daikho Keh Gunnehgaaroun Ka Anjaam Kia Hua?

Aur Un Ke Haal Par Gham Na Karna Aur Na Un Chaaloun Se Joh Ye Kar Rahe Hain Tang Dil Hona.

Aur Kehte Hain, Ke Agar Tum Sache Ho Toh Ye Waada Kab Poora Hoga.

Keh Do Ke Jis Azaab Ke Liye Tum Jaldi Kar Rahe Ho Shayad Us Main Se Kuch Tumhare Nazdeek Aa Pohoncha Ho.

Aur Tumhara Parawrdigar Toh Lougon Par Fazal Karne Wala Hai, Lekin Un Main Se Aksar Shukar Nahi Karte.

Aur Joh Baatain Un Ke Seenoun Main Posheeda Hoti Hain, Aur Joh Kaam Wo Zahir Karte Hain Tumhara Parwardigaar Un Sab Ko Jaanta Hai.

Aur Aasmaanoun Aur Zameen Main Koi Posheeda Cheez Nahi Hai, Magar Wo Kitaab-E-Roshan Main Likhi Hui Hai.

Be Shak Ye Quraan, Bani Israail Ke Saamne, Aksar Baatain Jin Main Wo Iktilaaf Karte Hain,Bayan Kar Deta Hai.

Aur Be Shak Ye Mominoun Ke Liye Hidayat Aur Rehmat Hai.

Tumhara Parwardigaar Qiamat Ke Roz Un Main Apne Hukum Se Faisla Kar De Ga Aur Wo Gaalib Aur Ilm Wala Hai.

Toh Khuda Par Bharosa Rakho, Tum Toh Haq-E-Sareeh Par Ho.

Kuch Shak Nahi Ke Tum Murdoun(Dead) Ko Baat Nahi Suna Sakte Aur Na Behroun Ko, Jab Ke Wo Peeth Phair Kar Phir Jaayen Awaaz Suna Sakte Ho.

Aur Na Andhoun Ko Gumrahi Se Nikaal Kar Rasta Dikha Sakte Ho. Tum Toh Un Hi Ko Suna Sakte Ho Joh Hamari Aayatoun Par Eemaan Laate Hain Aur Wo Farmanbardar Ho Jate Hain.

Aur Jab Un Ke Baare Main Azaab Ka Waada Poora Hoga, Toh Ham Un Ke Liye Zameen Main Se Aik Janwar Nikaalinge Joh Un Se Bayan Kar De Ga. Is Liye Ke Loug Hamari Aayatoun Par Eemaan Nahi Laate The.

Aur Jis Roz Ham Har Ummat Main Se Us Guroh Ko Jama Karain Ge, Joh Hamari Aayatoun Ki Takzeeb Karte The, Toh Un Ki Jamaat Bandi Ki Jaye Gi.

Yahan Tak Ke Jab Sab Aa Jayen Ge Toh Khuda Farmaaye Ga, Ke Kia Tum Ne Meri Aayatoaun Ko Jhutla Dia Tha Aur Tum Ne Apne Ilm Se Un Par Ahaata Toh Kia Hi Na Tha. Bhala Tum Kia Karte The.

Aur Un Ke Zulm Ke Sabab, Un Ke Haq Main Waada-E-Azab Poora Ho Kar Rahe Ga, Toh Wo Boul Bhi Nahi Sakainge.

Kia Unhoun Ne Nahi Daikha Ke Ham Ne Raat Ko Isliye Banaya Hai Ke Us Main Araam Karain Aur Din Ko Roshan Banaya Hai Ke Us Mai Kaam Karain Be Shak Is Main Momin Lougon Ke Liye Nishaaniyan Hain.

Aur Jis Roz Soor Phoonka Jaye Ga, Toh Joh Loug Aasmaanoun Aur Joh Loug Zameen Main Hain Sab Ghabra Uthain Ge, Magar Wo Jisse Khuda Chaahe Aur Sab Us Ke Paas Aajiz Ho Kar Chale Aayen Ge.

Aur Tum Paharoun Ko Daikhte Ho Toh Khayal Karte Ho Ke Apni Jaga Par Khare Hain, Magar Wo Us Roz Is Tarha Urre Phirainge, Jaise Baadal. Ye Khuda Ki Kaarigari Hai, Jis Ne Har Cheez Ko Mazboot Banaya. Be Shak Wo Tumhare Sab Afaal Se Ba Khabar Hai.

Joh Shakhs Naiki Le Kar Aaye Ga Toh Us Ke Liye Us Se Behtar Badla Taiyaar Hai, Aur Aise Loug Us Roz Ghabrahat Se Be Khof Hounge.

Aur Joh Burayee Le Kar Aaye Ga, Toh Aise Loug Oundhe Moonh Dozakh Main Daal Diye Jaaye Ge. Tum Ko Toh Us Hi Aamaal Ka Badla Mile Ga Joh Tum Karte Rahe Ho.

Keh Do Mujh Ko Ye Hi Irshaad Hua Hai Ke Is Sheher-E-Makkah Ke Maalik Ki Ibadat Karoon, Jis Ne Is Ko Mohtaram Aur Maqaam-E-Adab Banaya Hai Aur Sab Cheez Ussi Ki Hai Aur Ye Bhi Hukum Hua Hai Ke Us Ka Hukum Bardaar Hoon.

Aur Ye Bhi Ke Quraan Parha Karoon. Toh Joh Shakhs Raah-E-Raast Ikhtiyaar Karta Hai, Toh Apne Hi Faaide Ke Liye Ikhtiyaar Karta Hai. Aur Joh Gumraah Rehta Hai Toh Keh Do Ke Main Toh Sirf Naseehat Karne Wala Hoon.

Aur Kaho Ke Khuda Ka Shukar Hai .Wo Tum Ko Anqareef Apni Nishaniyan Dikhaye Ga, Toh Tum Un Ko Pehchaan Lo Ge. Aur Joh Kaam Tum Karte Ho Tumahra Parwaradigar Un Se Be Khabar Nahi Hai.

^^^^^^^^^^^^^^^^^^^^^^^^^^^^^^^^^^^

Labels

Wednesday, 4 May 2016

26-Soorah-ash-Shoaraa-aayaat-227

27-Soorah-an-Namal-Aayat-93

Translate into other languages

Total Pageviews

My Favorite Sites