75-Soorah-a-Qiamah-Aayaat-40

75

Soorah-Al-Qiamah

Aayaat-40

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Ham Ko Roz-E-Qiamat Ki Qasam.

2

Aur Nafs-E-Lawaama Ki, Ke Sab Loug Utha Kar Khare Kiye Jayen Ge.

3

Kia Insaan Ye Khayal Karta Hai, Ke Ham Us Ki Bikhri Hui Haddiyaan Ikhati Nahi Karainge?

4

Zaroor Kariange Aur Ham Is Baat Par Qaadir Hain Ke Us Ki Pour Pour Durust Kar Dain.

5

Magar Insaan Chahta Hai, Ke Aage Ko Khud Sari Karta Jaye.

6

Poochta Hai Ke Qiamat Ka Din Kab Hoga?

7

Jab Ankhain Chundhiyaa Jayen.

8

Aur Chaand Gehna Jaye.

9

Aur Sooraj Aur Chaand Jama Kar Diye Jaye.

10

Us Din Insaan Kahe Ga, Ke Ab Kahan Bhaag Jaaon?

11

Be Skah Kahin Panah Nahi.

12

Us Roz Parwardigar Hi Ke Paas Thikana Hai.

13

Us Din Insaan Ko, Joh Amal Us Ne Aage Bhaije Aur Peeche Chore Hounge Sab Bata Diye Jaye Ge.

14

Balke Insaan Ap Apna Gawah Hai.

15

Agarche Uzar-O-Maazrat Karta Rahe.

16

Aur Ae Muhammad S.A.W. Wahi Ke Parhne Ke Liye Apni Zabaan Na Chalaya Karo, Ke Is Ko Jald Yaad Kar Lo.

17

Is Ka Jama Karna Aur Parhaana Hamare Zimme Hai.

18

Jab Ham Wahi Parha Karain, Toh Tum Us Ko Suna Karo Aur Phir Ussi Tarha Parha Karo.

19

Phir Us Ke Moaani Ka Bayaan Bhi Hamare Zimme Hai.

20

Magar Lougo Tum Dunia Ko Dost Rakhte Ho.

21

Aur Aakhrat Ko Tark Kiye Dete Ho.

22

Us Roz Bohot Se Mooonh Ronaq Daar Hounge.

23

Aur Apne Parwardigar Ke Mehev-E-Deedar Honge.

24

Aur Bohot Se Moon Us Din Udaas Hounge.

25

Khayal Kariange Ke Un Par Museebat Waaqe Hone Ko Hai.

26

Daikho Jab Jaan Gale Tak Pohonch Jaye.

27

Aur Loug Kehne Lagain Is Waqt Koun Jhaar Phoonk Karne Wala Hai.

28

Aur Is( Jaan-E-Balb) Ne Samajha Ke Ab Sab Se Judaaye Hai.

29

Aur Pindli Se Pindli Lipat Jaaye.

30

Us Din Tujh Ko Apne Parwardigar Ki Taraf Chalna Hai.

31

Toh Us Naa Aaqbat Andaiash Ne Na Toh Kalam-E-Khuda Ki Tasdeek Ki, Na Namaaz Parhi.

32

Balke Jhutlaya Aur Moonh Phair Liya.

33

Phir Apne Ghar Waaloun Ke Paas Akarta Hua Chal Diya.

34

Afsos Hai Tujh Par Phir Afsos Hai.

35

Phir Afsos Hai Tujh Par Phir Afsos Hai.

36

Kia Insaan Khayal Karta Hai, Ke Youn Hi Chor Dia Jayega?

37

Kia Wo Mani Ka, Joh Rehem Main Dali Jati Hai Aik Qatra Na Tha?

38

Phir Louthra Hua, Phir Khuda Ne Us Ko Banaya Phir Us Ke Aazaa Ko Durust Kia.

39

Phir Us Ki Do Qismain Banayee Aik Mard Aur Aik Aurat.

40

Kia Us Ko Is Baat Par Qudrat Nahi Ke Murdoun Ko Jila Uthaaye?

76-Soorah-Al-Insaan-Aayaat-31

76

Soorah-Al-Insaan

Aayaat-31

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Be Shak Insaan Par Zamaane Main Aik Aisa Waqt Bhi Aa Chukka Hai, Ke Wo Koi Cheez Qaabiil-E-Zikar Na Tha.

2

Ham Ne Insaan Ko Nutfa-E-Makhloot Se Paida Kia, Taa-Ake Usse Aazmaayen, Toh Ham Ne Us Ko Sunta Daikhta Banaya.

3

Aur Usse Raasta Bhi Dikha Dia. Aab Wo Khuah Shukar Guzaar Ho Khuah Na Shukra.\

4

Ham Ne Kaafiroun Ke Liye Zanjeerain Aur Touq Aur Dehekti Aag Taiyaar Kar Rakhi Hai.

5

Joh Naiko Kaar Hain Aur Wo Aisi Sharaab Nosh-E-Jaan Karainge Jis Main Kaafoor Ki Aamaizash Hogi.

6

Ye Aik Chashma Hai Jis Main Se Khuda Ke Bande Piyain Ge Aur Us Main Se Choti Choti Nehrain Nikaalaingi.

7

Ye Loug Nazrain Poori Karte Hain Aur Us Din Se Jis Ki Sakhti Phail Rahi Hogi Khof Rakhte Hain.

8

Aur Ba Wajood Ye Ke Un Ko Khud Toaam Ki Khuahish Aur Haajat Hai Faqeeroun Aur Yateemoun Aur Qaidiyoun Ko Khilate Hain.

9

Aur Kehte Hain Ke Ham Tum Ko Khalis Khuda Ke Liye Khilate Hain. Na Tum Se Iwaz Ke Khuaastgaar Hain Na Shukar Guzaari Ke Talabgaar Hain.

10

Ham Ko Apne Parwardigar Se Us Din Ka Dar Lagta Hai, Joh Chehroun Ko Kareeh-Ul-Manzar Aur Dilooun Ko Sakht Muzztair Kar Dene Wala Hai.

11

Toh Khuda Un Ko Us Din Ki Sakhti Se Bacha Le Ga Aur Taazgi Aur Khush Dili Inayat Farmaye Ga.

12

Un Ke Sabar Ke Badle Un Ko Behshat Ke Baaghaat Aur Raisham Ke Malboosaat Ata Kare Ga.

13

Un Main Wo Takhtoun Par Takiye Laggaye Baithe Hounge. Wahan Na Dhoop Ki Hiddat Daikhain Ge Na Sardi Ki Shiddat.

14

Un Se Samar Daar Shakhain Aur Un Ke Saaye Qareeb Honge Aur Maiwoun Ke Guche Jhuke Hue Latak Rahe Honge.

15

Khuddam Chandi Ke Basan Liye Hue Un Ke Irdd Girddd Phirain Ge Aur Sheeshe Ke Nihayat Shaffaaf Gilaas.

16

Aur Sheeshe Bhi Chaandi Ke, Joh Theek Andaze Ke Mutafiq Banaye Gaye Hain.

17

Aur Wahan Un Ko Aisi Sharaab Bhi Pilaye Jaye Gi, Jis Main Sounth Ki Aamaizash Hogi.

18

Ye Behshaht Main Aik Chashma Hai Jis Ka Naam Sullsabeel Hai.

19

Aur Un Ke Paas Larke Aate Jaate Honge, Joh Hamesha Aik Hi Halat Par Ayen Ge. Jab Tum Un Par Nigaah Daalo Toh Khayal Karo Ke Bikhre Hue Moti Hain.

20

Aur Behshat Main Jaahan Aankh Uthao Ge Kasrat Se Naimat Aur Azeem-Ush-Shaan Saltanat Daikho Ge.

21

Un Ke Badnoun Par Deeba Sabz Aur Atlas Ke Kapre Honge.Aur Unhain Chandi Ke Kangaan Pehnaaye Jayen Ge Aur Un Ka Parwardigar Un Ko Nihayat Paakeeza Sharaab Pilaye Ga.

22

Ye Tumhara Sila Hai Aur Tumhari Koshish Khuda Ke Haan Maqbool Hui.

23

Ae Muhammad S.A.W. Ham Ne Tum Par Quran Aahista Aahista Nazil Kia Hai.

24

Toh Apne Parwardigar Ke Hukum Ke Mutabik Sabar Kiye Raho Aur Un Lougon Main Se Kisi Bad Amal Aur Na Shukre Ka Kaha Na Mano.

25

Aur Subh-O-Shaam Apne Parwardigar Ka Naam Lete Raho.

26

Aur Raat Ko Bari Raat Tak Us Ke Aage Sajde Karo Aur Us Ki Paaki Bayan Karte Raho.

27

Ye Loug Dunia Ko Dost Rakhte Hain Aur Qiamat Ke Bhaari Din Ko Pas-E-Pusht Chore Dete Hain.

28

Ham Ne Unko Paida Kia Aur Un Ke Mufaasil Ko Mazboot Banaya. Aur Agar Ham Chahain Toh Un Ke Badle Un Hi Ki Tarha Aur Loug Le Aayen.

29

Ye Toh Naseehat Hai. Joh Chahe Apne Parwardigar Ki Taraf Pohonchne Ka Raasta Ikhtiyaa Kare.

30

Aur Tum Kuch Bhi Nahi Chah Sakte, Magar Joh Khuda Ko Manzoor Ho. Be Shak Khuda Jaan-Ne Wala Hikmat Wala Hai.

31

Jis Ko Chahta Hai Apni Rehmat Main Dakhil Kar Leta Hai Aur Zaalimoun Ke Liye Us Ne Dukh Dene Wala Azaab Taiyaar Kar Rakha Hai.

77-Soorah-Al-Mursalat-Aayat-50

77

Soorah-Al-Mursalat

Aayaat-50

Shroo Allah Ke Naam Se Joh Bara Meherbaan Aur Nihayat Rehem Farmane Wala Hai.

1

Hawaaoun Ki Qsam Joh Naram Naram Chalti Hain.

2

Phir Zor Pakar Kar Jhakkar Ho Jati Hain.

3

Aur Baadloun Ko Phaar Kar Phaila Deti Hain.

4

Phir Un Ko Phaar Kar Juda Juda Kar Deti Hain.

5

Phir Farishtoun Ki Qasam Joh Wahi Laate Hain.

6

Taa-Ake Uzar Rafa Kar Dia Jaye Ya Darr Suna Dia Jaye.

7

Keh Jis Baat Ka Tum Se Waada Kia Jata Hai Wo Ho Kar Rahe Gi.

8

Jab Taaroun Ki Chamak Jati Rahe.

9

Aur Jab Asmaan Phat Jaye.

10

Aur Jab Pahar Ure Ure Phirain.

11

Aur Jab Paigamabar Faraham Kiye Jayen.

12

Bhala In Amoor Main Taakheer Kis Liye Ki Gai?

13

Faisle Ke Din Ke Liye.

14

Aur Tumhain Kia Khabar Ke Faisle Ka Din Kia Hai?

15

Us Din Jhutlane Waloun Ke Liye Kharabi Hai.

16

Kia Ham Ne Pehle Lougon Ko Halaak Nahi Kar Daala.

17

Phir Un Pichloun Ko Bhi Un Ke Peeche Bhaij Dete Hain.

18

Ham Gunehgaaroun Ke Sath Aisa Hi Karte Hain.

19

Us Din Jhutlaane Waloun Ki Kharabi Hai.

20

Kia Ham Ne Tum Ko Haqeer Paani Se Nahi Paida Kia?

21

Pehle Us Ko Aik Mehfooz Jaga Main Rakha.

22

Aik Waqt-E-Moiyyan Tak.

23

Phir Andaza Muqarrar Kia Aur Ham Kia Hi Khoob Andaza Muqarrar Karne Wale Hain.

24

Us Din Jhutlane Waloun Ki Kharabi Hai.

25

Kia Ham Ne Zameen Ko Samaitne Wali Nahi Banaya.

26

Yaani Zindoun Aur Murdoun Ko.

27

Aur Us Par Oonche Oonche Pahaar Rakh Diye Aur Tum Lougn Ko Meetha Paani Pilaya.

28

Us Din Jhutlane Waloun Ki Kharabi Hai.

29

Jis Cheez Ko Tum Jhutlaya Karte The, Ab Us Ki Taraf Chalo.

30

Yaani Us Saaye Ki Taraf Chalo Jis Ki Teen Shakhain Hain.

31

Na Thandi Chaaon Aur Na Lipat Se Bachao.

32

Us Se Aag Ki, Itni Itni Bari Chingaariyaan Urti Hain Jaise Mehel.

33

Goya Zard Rang Ke Oont Hain.

34

Us Din Jhutlane Waloun Ki Kharabi Hai.

35

Ye Wo Din Hai Ke Loug Lab Tak Na Hila Sakainge.

36

Aur Na Un Ko Ijazat Di Jaye Gi, Ke Uzar Kar Sakain.

37

Us Din Jhutlane Waloun Ki Kharabhi Hai.

38

Ye Hi Faisle Ka Din Hai, Jis Main Ham Ne Tum Ko Aur Pehle Lougon Ko Jama Kia Hai.

39

Agar Tum Ko Koi Daaow Aata Ho Toh Mujh Se Kar Chalo.

40

Us Din Jhutlaane Waloun Ki Kharabi Hai.

41

Be Shak Parhaizgaar Saayoun Aur Chasmoun Main Honge.

42

Aur Maiwaoun Main Joh Un Ko Margoob Houn.

43

Joh Amal Tum Kartre Rahe The Un Ke Badle Main Maze Se Khao Aur Piyo.

44

Ham Naiko Kaaroun Ko Aisa Hi Badla Dia Karte Hain.

45

Us Din Jhutlaane Waloun Ko Kharabi Hogi.

46

Ae Jhutlaane Walo! Tum Kisi Qadar Kha Lo Aur Faaide Utha Lo Tum Be Shak Gunnehgaar Ho.

47

Us Din Jhutlane Waloun Ki Kharabi Hai.

48

Aur Jab Un Se Kaha Jata Hai Ke Khuda Ke Aage Jhuko Toh Jhukte Nahi.

49

Us Din Jhutlane Waloun Ki Kharabi Hai.

50

Ab Us Ke Baad Ye Koun Si Bat Pe Eemaan Laayen Ge.?