15-Soorah-e-Hijjr-Aayaat 99

SOORAH-E-HIJJR

AAYAAT 99

SHROO ALLAH KE NAAM SE JOH BARA MEHERBAAN NIHAYAT REHEM WALA HAI.

1

ALIF LAAM RAA. YEH KHUDA KI KITAAB AUR QURAAN-E-ROSHAN KI AAYATAIN HAIN.

2

KISI WAQT KAFIR LOUG AARZOO KARAIN GE, KEH AE KAASH WO MUSALMAAN HOTE.

3

AE MUHAMMAD S.A.W. UN KO UN KE HAAL PAR REHNE DO KE KHAA LAIN AUR FAAIDE UTHA LAIN AUR TOOL-E-AMAL UN KO DUNIA MAIN MASHGOOL(BUSY) KIYE RAHE ANQAREEB(NEARLY) UNKO IS KA ANJAAM MALOOM HO JAYE GA.

4

AUR HAM NE KOI BASTI HALAK NAHI KI.MAGAR US KA WAQT   MARQOOM-O-MOIYYAN(FIX) THA.

5

KOI JAMAAT APNI MUDDAT-E-WAFAAT SE, NA AAGE NIKAL SAKTI HAI NA PEECHE REH SAKTI HAI.

6

AUR KUFFAR KEHTE HAIN KE AE SHAKHS JIS PAR NASEEHAT KI KITAAB NAZIL HUI HAI TU TOH DEEWANA HAI.

7

AGAR TU SACHA HAI TOH HAMRE PAAS FARISHTOUN KO KION NAHI LE AATA.

8

KEH DO HAM FARISHTOUN KO NAZIL NAHI KIA KARTE, MAGAR HAQ KE SATH AUR US WAQT UN KO MOHLAT NAHI MILTI.

9

BE SHAK YEH KITAAB-E-NASEEHAT HAM HI NE UTAARI HAI AUR HAM HI IS KE NIGEHBAAN HAIN.

10

AUR HAM NE, TUM SE PEHLE LOUGON MAIN BHI PAIGAMBAR BHAIJE THE.

11

AUR UN KE PAAS KOI PAIGAMBAR NAHI AATA THA MAGAR WO US KE SATH ISTEHZAA KARTE THE.

12

ISSI TARHA HAM IS TAKZEEB-O-ZALLAL KO GUNNEHGAAROUN KE DILOUN MAIN DAKHIL KAR DETE HAIN.

13

SO WO IS PAR EEMAAN NAHI LATE AUR PEHLOUN KI RAWISH BHI YEH HI RAHI HAI.

14

AUR AGAR HAM AASMAAN KA KOI DARWAZA UN PAR KHOL DAIN AUR WO US MAIN CHARHNE BHI LAGAIN.

15

TOH BHI YEH KAHAIN GE KE HAMARI AANKAHIN MAKHMOOD HO GAI HAIN BALKE HAM PAR JADU KAR DIA GAYA HAI.

16

AUR HAM HI NE AASMAAN MAIN BURJ BANAYE AUR DAIKHNE WALOUN KE LIYE USKO SAJA DIA.

17

AUR HAR SHAITAAN RAANDAH-E-DARGAAH SE ISSE MEHFOOZ KAR DIA.

18

HAAN AGAR KOI CHORI SE SUNN-NA CHAHE TOH CHAMAKTA HOUA ANGAARA IS KE PEECHE LAPAKTA HAI.

19

AUR ZAMEEN KO BHI HAM HI NE PHAILAYA AUR US PAR PAHAAR BANA KAR RAKH DIYE AUR US MAIN HAR AIK SANJEEDA CHEEZ UGAAI.

20

AUR HAM HI NE TUMHARE LIYE AUR UN LOUGON KE LIYE JIN KO TUM ROZI NAHI DETE US MAIN MOAASH KA SAMAAN PAIDA KIYE.

21

AUR HAMRE HAAN HAR CHEEZ KE KHAZANE HAIN AUR HAM UN KO BAMIQDAAR-E-MUNASIB UTAARTE REHTE HAIN.

22

AUR HAM HI HAWAAYEN CHALATE HAIN JOH BADALOUN KE PAANI SE BHARI HUI HOTI HAIN AUR HAM HI AASMAAN SE MEEH(RAIN) BARSAATE HAIN AUR HAM HI TUM KO IS KA PAANI PILAATE HAIN AUR TUM TOH IS KA KHAZANA NAHI RAKHTE.

23

AUR HAM HI HAYAAT BAKHASTE AUR HAM HI MOUT DETE HAIN. AUR HAM HI SAB KE WARIS MALIK HAIN.

24

AUR JOH LOUG TUM MAIN PEHLE GUZAR CHUKE HAIN HAM KO MALOOM HAIN AUR JOH PEECHE AANE WALE HAIN WO BHI HAM KO MALOOM HAIN.

25

AUR TUMHARA PARWARDIGAAR QIAMAT KE DIN UN SAB KO JAMA KARE GA WO BARA DAANA AUR KHABARDAAR HAI.

26

AUR HAM NE INSAAN KO KHANNKHINAATE SARE HUE GAARE SE PAIDA KIA HAI.

27

AUR JINNOUN KO IS SE BHI PEHLE BE DHOOAIN KI AAG SE PAIDA KIA THA.

28

AUR JAB TUMHARE PARWARDIGAAR NE FARISHTOUN SE FARMAYA KE MAIN KHANNKHANATE SARE HUE GAARE SE AIK BASHER BANANE WALA HOON.

29

JAB US KO SOORAT-E-INSAANIAYA MAIN DURUST KAR LOON AUR US MAIN APNI BE BAHA CHEEZ YAANI ROOH PHOONK DOON TOH US KE

AAGE SAJDE MAIN GIRR PARNA.

30

TOH FARISHTE TOH SAB KE SAB SAJDE MAIN GIRR PARE.

31

MAGAR SHAITAAN KEH US NE SAJDA KARNE WALOUN KE SATH HONE SE INKAR KIA.

32

KHUDA NE FARMAYA KE IBLEES! TUJHE KIA HUA HAI KEH TU SAJDA KARNE WALOUN MAIN SHAMIL NA HUA.

33

US NE KAHA KE MAIN AISA NAHI HOON KE INSAAN KO JIS KO TU NE KHANKHANAATE SARE HUE GAARE SE BANAYA HAI SAJDA KAROON.

34

KHUDA NE FARMAYA YAHAN SE NIKAL JA.TU MARDOOD HAI.

35

AUR TUJH PAR QIAMAT KE DIN TAK LAANAT BARSE GI .

36

US NE KAHA KE PARWARDIGAAR MUJHE US DIN TAK MOHLAT DE JAB LOUG MARNE KE BAAD ZINDA KIYE JAYEN GE.

37

FARMAYA KE TUJHE MOHLAT DI JATI HAI.

38

WAQT-E-MUQARRAR YAANI QIAMAT KE DIN TAK.

39

US NE KAHA KE PARWARDIGAAR JAISA TU NE MUJHE RASTE SE ALAG KIA HAI MAIN BHI ZAMEEN MAIN LOUGON KE LIYE GUNNAHOUN KO AARAASTA KAR DIKHAAON GA AUR SAB KO BEHKAAON GA.

40

HAAN UN MAIN JOH TERE MUKHLIS BANDE HAIN UN PAR QAABOO CHALNA MUSHKIL HAI.

41

KHUDA NE FARMAYA KE MUJH TAK POHONCHNE KA YEH HI SEEDHA RASTA HAI.

42

JOH MERE MUKHLIS BANDE HAIN UN PAR TUJHE KUCH QUDRAT NAHI KE UNKO GUNNAH MAIN DAAL SAKE, HAAN BAD RAAHOUN MAIN SE JOH TERE PEECHE CHAL PARE.

43

AUR UN SAB KE WAADE KI JAGA JAHANNUM HAI.

44

US KE SAAT(7) DARWAAZE HAIN.HAR AIK DARWAZE KE LIYE UN MAIN SE JAMAATAIN TAQSEEEM KAR DI GAI HAIN.

45

JOH MUTTAQI HAIN WO BAAGHOUN AUR CHASHMOUN MAIN HOUNGE.

46

UN SE KAHA JAYE GA KE IN MAIN SALAMTI AUR KHATIR-E-JAMA SE DAAKHIL HO JAO.

47

AUR UN KE DILOUN MAIN JOH KADOORAT(BURAAI) HOGI UN KO HAM NIKAAL KAR SAAF KAR DAINGE, GOYA BHAI BHAI TAKHTOUN PAR AIK DOOSRE KE SAAMNE BAITHE HUE HAIN.

48

NA UN KO WAHAN KOI TAKLEEF POHONCHE GI AUR NA WO WAHAN SE NIKALE JAYEN GE.

49

AE PAIGAMBAR S.A.W. MERE BANDOUN KO BATA DO KE MAIN BARA BAKHASHNE WALA AUR MEHERBAAN HOON.

50

AUR YEH KE MERA AZAAB BHI DARD DENE WALA AZAAB HAI.

51

AUR UN KO IBRAHIM KE MEHMANOUN KA EHWAAL SUNA DO.

52

JAB WO IBRAHIM KE PAAS AAYE TOH SALAM KAHA. UNHOUN NE KAHA KE HAMAIN TOH TUMSE DAR LAGTA HAI.

53

UNHON NE KAHA KE DARIYE NAHI HAM AP KO AIK DAANISHMAND LARKE KI KHUSHKHABRI DETE HAIN.

54

WO BOLE KEH JAB MUJHE BURHAPE NE AA PAKRA TOH TUM KHUSHKHABRI DENE LAGE. AB KAAHE KI KHUSHKHABRI DETE HO.

55

UNHOUN NE KAHA HAM AP KO SACHI KHUSHKHABRI DETE HAIN AAP MAYOOS NA HO JAAIYE.

56

IBRAHIM NE KAHA  KEH KHUDA KI REHMAT SE MAIN MAYOOS KION HONE LAGA,  US SE MAYOOS HONA GUMRAHOUN KA KAAM HAI.

57

PHIR KEHNE LAGE KE FARISHTO! TUMHAIN AUR KIA KAAM HAI.

58

UNHOUN NE KAHA KE HAM AIK GUNNEHGAAR QOUM KI TARAF BHAIJE GAYE HAIN KE US KO AZAAB KARAIN.

59

MAGAR LOOT KE GHAR WALE, KE UN SAB KO HAM BACHA LAINGE.

60

ALBATTA UN KI AURAT KE US KE LIYE HAM NE THEHRA DIA HAI KE WO PEECHE REH JAYE GI.

61

PHIR JAB FARISHTE LOOT KE GHAR GAYE.

62

TOH LOOT NE KAHA TUM TOH NAA AASHNA(ANONYMOUS) SE LOUG HO.

63

WO BOLE KE NAHI BALKE HAM AP KE PAS WO CHEEZ LE KAR AAYE HAIN JIS MAIN LOUG SHAK KARTE THE.

64

AUR HAM AP KE PAAS YAQEENI BAAT LE KAR AAYE HAIN AUR HAM SACH KEHTE HAIN.

65

TOH AP KUCH RAAT RAHE SE APNE GAHR WALOUN KO LE NIKLAIN AUR KHUD UN KE PEECHE CHALAIN AUR AAP MAIN SE KOI SHAKHS PEECHE MURR KAR NA DAIKHE. AUR JAHAN AAP KO HUKUM HO WAHAN CHALE JAYIYE.

66

AUR HAM NE LOOT KI TARAF WAHI BHAIJI KE UN LOUGON KI JAR SUBH HOTE HOTE KAAT DI JAYE GI.

67

AUR EHL-E-SHEHER LOOT KE PAAS KHUSH KHUSH DORE AAYE.

68

LOOT NE KAHA KE YEH MERE MEHMAAN HAIN KAHIN IN KE BARE MAIN MUJHE RUSWA NA KARNA.

69

AUR KHUDA SE DARO. AUR MERI BE AABROOI NA KIJIYO.

70

WO BOLE KIA HAM NE TUM KO SARE JAHAN KI HIMAYAT-O-TARAF DAARI SE MANA NAHI KIA.

71

UNHOUN NE KAHA KE AGAR TUMHIAN KARNA HI HAI TOH YE MERE QOUM KI LARKIYAN HAIN UN SE SHADI KAR LO.

72

AE MUHAMMAD S.A.W. TUMHARI JAAN KI QASAM WO APNI MASTI MAIN MADHOSH HO RAHE THE.

73

SO UN KO SOORAJ NIKALTE NIKALTE CHINGHAAR NE AA PAKRA.

74

AUR HAM NE US SHEHER KO ULAT KAR NEECHE OOPAR KAR DIA.AUR UN PAR KHANGAR KI PATHARIYAAN BARSAAYEN.

75

BE SHAK IS QISSE MAIN EHL-E-FIRASAT KE LIYE NISHANI HAI.

76

AUR WO SHEHER AB TAK SEEDHE RASTE PAR MOJOOD HAI.

77

BE SHAK US MAIN EEMAAN LANE WALOUN KE LIYE NISHANI HAI.

78

AUR BAN KE REHNE WALE YAANI QOUM-E-SHOAIB A.S. KE LOUG BHI GUNNEHGAAR THE.

79

TOH HAM NE UN SE BHI BADLA LIYA. AUR YEH DONO SHEHER KHULE RASTE PAR MOJOOD HAIN.

80

AUR WAADI-E-HIJJR KE REHNE WALOUN NE BHI PAIGAMBARON KI TAKZEEB KI.

81

HAM NE UN KO APNI NISHANIYAN DEEN AUR WO UN SE MOONH PHAIRTE RAHE.

82

AUR WO PAHAROUN KO TARASH TARASH KAR GHAR BANATE THE KEH AMAN-O-ITMINAAN SE RAHAIN GE.

83

TOH CHEEKH NE UN KO SUBH HOTE HOTE AA PAKRA.

84

AUR JOH KAM WO KARTE THE WO UN KE KUCH BHI KAAM NA AAYE.

85

AUR HAM NE AASMANOUN AUR ZAMEEN KO AUR JOH MAKHLOOQAAT UN MAIN HAIN, UNKO TADBEER KE SATH PAIDA KIA HAI. AUR QIAMAT TOH ZAROOR AA KAR RAHE GI TOH TUM UN LOUGON SE ACHI TARHA SE DARGUZAR KARO.

86

KUCH SHAK NAHI KE TUMHARA PARWARDIGAAR HI SAB KUCH PAIDA KARNE WALA AUR JAAN-NE WALA HAI.

87

AUR HAM NE TUM KO SAAT(7) AAYATAIN JOH NAMAZ MAIN DOHRA KAR PARHI JATI HAIN YAANI SOORA-E-ALHAMD AUR AZMAT WALA QURAAN ATA FARMAYA HAI.

88

AUR HAM NE KUFFAAR KI KAI JAMAATOUN KO JOH FAWAAID-E-DUNYAVI SE MUTTMATAA KIA HAI, TUM UN KI TARAF RAGHBAT SE AANKH UTHA KAR NA DAIKHNA, AUR NA UN KE HAAL PAR TAASUFF KARNA, AUR MOMINOUN SE KHATIR AUR TAWAZEH SE PAISH AANA.

89

AUR KEH DO KE MAIN TOH AAILAANIYA DARR SUNANE WALA HOON.

90

AUR HAM NE UN KUFFAR PEE ISSI TARAH AZAAB NAZIL KAREN GE JIS TARHA UN LOUGON PAR NAZIL KIA JINHON NE TAQSEEM KAR DIA.

91

YUAANI QURAAN KO KUCH MAAN-NE AUR KUCH NA MAAN-NE SE TUKRE TUKRE KAR DAALA.

92

TUMHARE PARWARDIGAAR KI QASAM HAM UN SE ZAROOR PURRSISH(INVESTIGATION)  KARAIN GE.

93

                  UN KAAMOUN KI JOH WO  KARTE RAHE.

94

PAS JOH HUKUM TUMKO KHUDA KI TARAF SE MILA HAI WO LOUGON KO SUNA DO AUR MUSHRIKOUN KA ZARA KHAYAL NA KARO.

95

HAM TUMHAIN UN LOUGON KE SHAR SE BACHANE KE LIYE JOH TUM SE ISTEHZAA KARTE HAIN KAFI HAIN.

96

JOH KHUDA KE SATH AUR MAABOOD QARAAR DETE HAIN. SO ANQAREEB(NEARLY)  UN KO IN BATOUN KA ANJAAM MALOOM HO JAYE GA.

97

AUR HAM JANTE HAIN KE UN KI BATOUN SE TUMHARA DIL TANG HOTA HAI.

98

TOH TUM APNE PARWARDIGAAR KI TASBEEH KEHTE AUR US KI KHOOBIYAAN BAYAN KARTE RAHO AUR SAJDA KARNE WALOUN MAIN DAKHIL RAHO.

99

AUR APNE PARWARDIGAAR KI IBADAT KIYE JAO YAHAN TAK KE TUMHARI MOUT KA WAQT AA JAYE.

^^^^^^^^^^^^^^^^^^^^^^^